Kučynski: Vizit Cichanoŭskaj va Ukrainu adbudziecca ŭ chutkim časie
Idzie abmierkavańnie dat i farmatu
Vizit Śviatłany Cichanoŭskaj va Ukrainu adbudziecca «ŭ chutkim časie», zajaviŭ «Pozirku» jaje daradca pa dypłamatyčnych pytańniach Dzianis Kučynski.
Na pytańnie, čamu pakul nie adbyŭsia vizit, jaki, jak šyroka mierkavałasia, mieŭsia prypaści na Dzień Voli (25 sakavika), surazmoŭca adznačyŭ, što «nie było niejkaj zafiksavanaj daty».
«Idzie praces vyznačeńnia kalendaroŭ mierapryjemstvaŭ, dat vizitu. Plus heta Ukraina, my musim paviedamić [pra vizit], kali budzie biaśpiečna. Hety vizit adbudziecca ŭ chutkim časie. Heta nie byŭ pieranos vizitu — idzie abmierkavańnie dat i farmatu», — skazaŭ jon.
Kažučy pra toje, jakaja častka paradku dnia budučaha vizitu ŭžo ŭzhodnienaja, Kučynski adkazaŭ, što jašče «padčas sustrečy z prezidentam Ukrainy Uładzimiram]Zialenskim» sioleta ŭ studzieni ŭ Vilni abmiarkoŭvaŭsia «adzin ź vielmi važnych elemientaŭ — pryznačeńnie śpiecyjalnaha pasłańnika pa pracy z demakratyčnaj Biełaruśsiu, biełaruskimi demsiłami».
«Ja dumaju, što heta budzie adnym z najbolš važnych elemientaŭ, — zajaviŭ daradca palityka. — Kab byŭ čałaviek, prafiesijanał, jaki budzie pracavać ź biełaruskimi demsiłami, a taksama inšymi našymi zamiežnymi partniorami. Bo takija śpiecpradsaŭniki ŭžo jość amal u 20 krainach».
«Zaraz my razmaŭlajem z našymi partniorami, pracuje naša misija [va Ukrainie] i jaje kiraŭnica Śviatłana Šacilina, źbirajem maksimalna infarmacyju ad biełarusaŭ va Ukrainie. Hałoŭnaje pytańnie, ź jakim my rychtujemsia da hetaha vizitu, źbirajemsia pryjechać u Kijeŭ, — jak my možam bolš dapamahčy Ukrainie. Tamu što ad Ukrainy ŭ tym liku zaležyć i budučynia Biełarusi, i budučynia Litvy, Polšy, usiaho rehijona. Tamu vielmi vialikaja zadača, biezumoŭna, jak maha bolš dapamahać Ukrainie. Na kožnaj mižnarodnaj sustrečy Śviatłana Cichanoŭskaja padkreślivaje važnaść maksimalnaj padtrymki Ukrainy», — padkreśliŭ surazmoŭca.
U intervju «Jeŭrapiejskaj praŭdzie», apublikavanym 20 sakavika, Cichanoŭskaja vykazała spadzieŭ na toje, što ŭ jaje atrymajecca sustreć va Ukrainie Dzień Voli — narodnaje nacyjanalnaje śviata biełarusaŭ, jakoje režym nie vitaje». Raniej jana mierkavała, što vizit moža adbycca naprykancy lutaha — na pačatku sakavika.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy82
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary
Jak nie było zafiksavanaj daty? Była. Usie śmi pisali kankretnuju datu: 24 lutaha. Potym kankretnuju datu: 25 sakavika.
Ad ofisa abviaržeńniaŭ nie pastupała za hetyja 2 ci 3 miesiacy.