Kvitki stali daražejšyja ŭdvaja-ŭtraja ŭ paraŭnańni ź minułym hodam.
Minskamu «Dynama» zastałosia pravieści jašče dva matčy ŭ rehularnym čempijanacie KCHŁ (siońnia i ŭ piatnicu). Kvitok u płej-of byŭ atrymany ŭžo daŭno, a apošnim časam stała viadoma, što kamanda dakładna pačnie pieršy raŭnd Kubka Haharyna na nastupnym tydni na chatniaj placoŭcy, paviedamlaje telehram-kanał Fanzone.
Učora žadanyja kvitki pastupili ŭ prodaž, sajt ź biletami imhnienna «loh», a balelščyki ź vialikim intaresam pačali vyvučać novyja ceny.
Bilety stali značna daražejšyja. Samyja tannyja miescy hod tamu kaštavali 30 rubloŭ, zaraz — 60, siaredniaja cenavaja katehoryja 60—90, siońnia — 120—200, a premium-bilety (siektar S na trybunie A) uvohule padnialisia z 210 da 600 rubloŭ. Pry hetym ceny na 3—4 matčy, kali takija adbuducca, buduć jašče vyšejšymi.
Prykładny košt usich biletaŭ na dva pieršyja matčy pieršaha raŭnda składzie kala 1,8 miljona rubloŭ, a treci i čaćviorty, patencyjna, mohuć prynieści kłubu bolš za dva miljony rubloŭ kožny.
«Dynama» sapraŭdy pravodzić najlepšy siezon u svajoj historyi i ŭžo harantavana zojmie miesca nie nižejšaje za treciaje ŭ Zachodniaj kanfierencyi, a forvard kłuba Sem Anas — najlepšy bambardzir rehularnaha čempijanatu, na jaho rachunku 89 bałaŭ (30 šajbaŭ i 59 pieradač), u najbližejšaha kankurenta — 73 bały.
Supiernikam u płej-of moža stać nižaharodskaje «Tarpieda», maskoŭski «Spartak», abo navat pieciarburhski SKA.
-
UEFA adnahałosna vyrašyŭ bajkatavać turniry FIFA, kali realizujucca płany Infancina
-
«Duša futboła nie pradajecca». UEFA praviadzie ekstrannaje pasiadžeńnie ŭ suviazi z płanami FIFA pryciahnuć da finansavańnia turniraŭ pryvatnych inviestaraŭ
-
Prezident FIFA choča padzialicca pravami na mundyjal ź blizkimi da Trampa pryvatnymi inviestarami
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary