Pamiatajecie pravasłaŭnuju paru studentki i vykładčyka, dzie jon starejšy na 31 hod? Ciapier jany hramadzianie Izraila

Siarhiej i Anfisa Fiedaruki stali zorkami sacyjalnych sietak praz svaju historyju kachańnia — vykładčyk byŭ starejšy za svaju studentku na 31 hod.

A historyja sapraŭdy niebanalnaja. Siarhiej bolš za 30 hadoŭ pracavaŭ u carkvie, a taksama vykładaŭ u duchoŭnym vučyliščy. Zarablaŭ śmiešnyja hrošy, tamu ŭvieś čas byŭ vymušany šukać padpracoŭku. Anfisa ž ź dziacinstva chacieła źviazać svaju budučyniu z carkvoj i pastupić u duchoŭnaje vučylišča na rehienta (kiraŭnicu choru).

Los skłaŭsia tak, što maładaja dziaŭčyna i jaje vykładčyk pakachali adno adnaho. U mužčyny na momant pačatku ramanu sa studentkaj była siamja: žonka i dzieci (užo ŭsie darosłyja). Anfisa tłumačyć: dla Siarhieja było niemahčymym raźvieścisia ź pieršaj žonkaj, ažanicca druhi raz i paśla ŭsiaho hetaha zastacca słužyć. Tamu treba było abrać adzin z troch varyjantaŭ: rasstacca z Anfisaj, chavać raman, kab zachavać san, ci raźvieścisia i pakinuć carkvu.

Dziaŭčyna raskazvała, što joj samoj na piedahahičnaj radzie raili «być razumniejšaj» i nie afišavać adnosin z kachanym, kab i jon zastaŭsia śviatarom, i jana atrymała dypłom.

U vyniku para abrała kachańnie, pabrałasia šlubam i pačała aktyŭna vieści sacyjalnyja sietki. U instahramie siamja Fiedarukoŭ maje ahułam 62 tysiačy padpisčykaŭ, amal 13 tysiač u telehramie, 96 tysiač u tyktoku i kala 57 tysiač na YouTube. Anfisa śćviardžaje, što zarablajuć jany mienavita jak błohiery.

Pavialičyć

Baćki Anfisy spačatku dobra pastavilisia da ziacia, jaki byŭ ich ravieśnikam. Paśla jany ŭsio ž amal spynili adnosiny z dačkoj i jaje abrańnikam praz kanflikty.

Niadaŭna dziaŭčyna pachvaliłasia tym, što razam z mužam atrymała hramadzianstva Izraila: «U aeraporcie nas pavinšavali z naradžeńniem u dziaržavie Izrail. Heta ŭsio vielmi miła, kaniešnie».

U hetaj krainie ŭ Siarhieja žyvie maci i šmat svajakoŭ. Ale jon doŭha chavaŭ taki fakt svajoj bijahrafii. Anfisa śćviardžaje, što i sama nie adrazu daviedałasia: «Ja nie viedała, što jon habrej, jašče paŭhoda paśla pačatku našych adnosin, jon staranna chavaŭ ad mianie i ad usich astatnich. Tak što ŭsie varyjanty zamuž za hramadzianstva — mima».

Dziaŭčyna raskazała ŭ błohu, što ideja atrymać izrailskija pašparty naležyć mužu. Konsulskuju pravierku ŭ siamji atrymałasia prajści tolki z druhoj sproby. Ale ciapier Anfisa ŭ zachapleńni, bo navat jaje maci nie vieryła, što dačka kali-niebudź zmoža atrymać hramadzianstva Izraila. Dziaŭčyna ž nazyvaje novy pašpart najkaštoŭniejšym padarunkam na Novy hod.

@anfisafedoruk

Tak mienia jeŝio nie provožali Snačała pisali, čto my nie połučim hraždanstvo. A raz połučili - značit nužno skazať, kak nam budiet płocho žiť. V Biełarusi u nas žie było masłom namazano (niet). Kak budto každoho kommientatora siłoj zastavlajut pieriejezžať v Izrail. Tiem boleje eto sdiełať očień nieprosto. Pieriejechať ≠ priedať rodinu. Tiem boleje (jeśli užie hovoriť o rodinie ) u Sierhieja rodina sovsiem nie RB, a Ukraina, i on ottuda jeŝio v 15 let pieriejechał. Každyj čiełoviek imiejet pravo žiť tam, hdie on chočiet. I chorošo, čto my živiom imienno v takoje vriemia. Ja živu po takoj schiemie - chorošo tam, hdie MY JESŤ. I kohda my jeŝio žili v RB ja starałaś nachodiť v etom plusy, i v každoj stranie/horodie, kotoryje my posietili ja iskała plusy. Potomu čto tut Ja JESŤ. I koniečno, ja vižu ohromnyje plusy i vozmožnosti imienno dla nas v Izraile, i oni pierieviešivajut, inačie ja by siuda nie pojechała. My chotim łučšieho dla siebia, dla našiej sieḿji, dla buduŝieho. I dla etoho my hotovy prochodiť trudnosti, potomu čto znajem, čto oni vriemiennyje. A v našiem błohie, thk: anfisienok i aktualnych inst wfisaw - budiem dieliťsia vsiemi etapami i žizńju novych riepatriantov ❤️

♬ orihinalnyj zvuk - tg/inst - wfisaw

Žyć Siarhiej z Anfisaj płanujuć u Izraili, bo bačać tam bolš mahčymaściaŭ. 

• 19
• 3
• 17
• 7
• 3
• 0
• 0
• 3