U bazu «horšych z najhoršych» złačyncaŭ ZŠA ŭnieśli dvuch hramadzian Biełarusi. Adna ź ich — žančyna
U elektronnuju bazu zamiežnych złačyncaŭ, aryštavanych imihracyjnaj i mytnaj słužbaj ZŠA (ICE), za 11 miesiacaŭ hetaha hoda byli ŭklučanyja dvoje hramadzian Biełarusi. Rejestr viadzie Ministerstva ŭnutranaj biaśpieki ZŠA, nazyvajučy fihurantaŭ śpisu Worst of the Worst — «horšyja z najhoršych», piša «Biełsat».
Pavodle dadzienych bazy, adzin ź fihurantaŭ — Barys Babrovič (Barys Babrovich), asudžany za napad. Jon byŭ aryštavany ŭ Ńjuarku (štat Ńju-Džersi).
Druhaja fihurantka — Taćciana Źvierava (Tatsiana Zverava), asudžanaja pa spravie ab rabavańni. Jaje zatrymali ŭ Pitsburhu (štat Piensilvanija).
Baza ICE ŭjaŭlaje saboj publičny elektronny rejestr zamiežnych hramadzian, asudžanych za ciažkija złačynstvy i padlahajuć pryjarytetnamu zatrymańniu i departacyi. U jaje ŭklučajuć asob, jakija ŭčynili hvałtoŭnyja złačynstvy i inšyja surjoznyja pravaparušeńni na terytoryi ZŠA.
Raniej paviedamlałasia, što za toj ža pieryjad u bazu taksama byli ŭniesienyja hramadzianie inšych krain, adnak vypadki ź biełaruskimi hramadzianami ŭ rejestry zastajucca adzinkavymi.
Kamientary