Vieniesueła vykarystoŭvaje dla transpartavańnia svajoj nafty tankiery-«zombi»
Havorka idzie pra staryja sudny, jakija farmalna ličacca śpisanymi, ale faktyčna praciahvajuć pracavać, časta pad čužymi identyfikacyjnymi źviestkami. Adzin z prykładaŭ — 27‑hadovy tankier, jaki byŭ śpisany jašče ŭ 2021 hodzie, ale znoŭ źjaviŭsia ŭ naftavych pieravozkach, paviedamlaje Bloomberg.
Pavodle źviestak Bloomberg, sudna, jakoje nazyvaje siabie Freesia I, moža być inšym karablom, što niezakonna vykarystoŭvaje nazvu i dakumienty śpisanaha tankiera. Taki mietad časta ŭžyvajecca pry transpartavańni nafty, jakaja znachodzicca pad sankcyjami, kab schavać sapraŭdny maršrut i hruz.
Analityki adznačajuć, što Vieniesueła vielmi ŭmieła maskiruje pachodžańnie i ŭłaśnikaŭ nafty, uchilajučysia ad finansavaha i handlovaha kantrolu. Tamu ZŠA ŭsio čaściej pierachodziać ad ekanamičnaha cisku da fizičnych mieraŭ upłyvu.
Pavodle danych resursu TankerTrackers.com, z tak zvanaha «cieniavoha fłotu», jaki naličvaje kala 1500 starych i niezastrachavanych sudnaŭ, Vieniesueła vykarystoŭvaje prykładna 400. Hetyja tankiery vykarystoŭvajuć roznyja schiemy maskiroŭki: padrobku kaardynat, adklučeńnie transpondaraŭ i vydavańnie siabie za inšyja, časta ŭžo śpisanyja sudny.
Tankier Freesia I u mai znachodziŭsia ŭ vieniesuelskim naftavym ekspartnym terminale Chase. Paśla rejsa z Paŭdniova-Uschodniaj Azii jon pavinien byŭ prybyć u port Amuaj, ale paźniej źmianiŭ punkt pryznačeńnia na «adkrytaje mora» i kala bierahoŭ Francuzskaj Hvijany adklučyŭ sistemy adsočvańnia.
Zvyčajna takija sudny Vieniesueła atrymlivaje ad inšych krain, bo sama nie maje mahčymaści finansavać ułasny fłot, a najaŭnyja karabli zanadta staryja i ich mała.
Na hetym fonie ZŠA abviaścili naftavuju błakadu Vieniesueły. Prezident ZŠA Donald Tramp zajaviŭ, što ŭłady krainy vykarystoŭvajuć naftavyja dachody dla asabistaha ŭzbahačeńnia i finansavańnia złačynnaj dziejnaści, u tym liku narkatrafiku, handlu ludźmi i teraryzmu.
Tramp paraiŭ Nikałasu Maduru razumna syści
Rubia: Nas nie chvaluje rytaryčnaja padtrymka Rasijaj Vieniesueły
Tramp nie vyklučyŭ vajny ź Vieniesuełaj
Łukašenka ŭhavorvaje amierykancaŭ nie bambić fłot narkamafii, a damaŭlacca
«Madura zastaŭsia zusim adzin». Ci pryjduć na dapamohu Vieniesuele jaje šmathadovyja sajuźniki?
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary