Biełarusu, jakoha zatrymali na vajskovaj bazie ŭ Hdyni, vystavili abvinavačańnie
Dvuch ukraincaŭ i adnaho biełarusa pryciahnuć da suda za niezakonnaje praniknieńnie na vajskovuju bazu ŭ Hdyni ŭ listapadzie 2025 hoda. Pra heta paviedamili polskija ŚMI sa spasyłkaj na hdańskuju prakuraturu, piša «Biełsat».
Usie troje pryznali svaju vinu i dali tłumačeńni śledstvu. Spačatku spravu viała zvyčajnaja palicyja, ale paźniej rasśledavańnie pieradali vajskovaj palicyi.
Jak udakładniŭ pradstaŭnik prakuratury ŭ Hdańsku, rasśledavańnie pačałosia 24 listapada. Abvinavačvańni vystavili dvum hramadzianam Ukrainy i adnamu biełarusu za parušeńnie niedatykalnaści terytoryi i niezakonnaje znachodžańnie na vajskovym abjekcie. Heta maładyja ludzi va ŭzroście ad 19 da 21 hoda, jakija pastajanna žyvuć u Polščy.
Padčas zatrymańnia ŭ ich zabrali mabilnyja telefony i nakiravali ich na pravierku ŭ Varšavu, dzie vajskovaja palicyja vyvučaje źmiest pryład.
Pra incydent stała viadoma jašče 23 listapada, kali try pabočnyja asoby trapili na terytoryju zienitna-rakietnaj čaści ŭ Hdyni. Patrul zmoh zatrymać tolki biełarusa — jon byŭ niećviarozy i śćviardžaŭ, što zabłukaŭ dy nie razumieŭ, dzie apynuŭsia. Dvum inšym udałosia ŭciačy.
Pry ahladzie telefona zatrymanaha znajšli fatahrafii porta, a taksama źviestki pra pošuk niejkaj nieviadomaj pierasyłki.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki16
Kamientary