11 śniežnia ŭ rajonie aeradroma Chažova ŭ Maładziečanskim rajonie adbyłosia avijacyjnaje zdareńnie z vučebnym samalotam SportStar RTC (rehistracyjny numar EW-536SL), jaki naležyć lotnaj škole «Kryły». Pra incydent paviedamili ŭ Miždziaržaŭnym avijacyjnym kamitecie (MAK), piša telehram-kanał «OtVinta».
Pavodle aficyjnaj infarmacyi, ludzi, jakija byli na borcie, nie paciarpieli, adnak samalot atrymaŭ paškodžańni. MAK stvaryŭ śpiecyjalnuju kamisiju, jakaja pačała rasśledavańnie abstavin zdareńnia.
Ź nieaficyjnych krynic u avijacyjnym asiarodździ stała viadoma, što paškodžańni ŭźnikli ŭ vyniku žorstkaj pasadki. Pry hetym papiarednie adznačajecca, što pavietranaje sudna možna adnavić — pra jaho śpisańnie havorki nie idzie. U samalocie byli dvoje: spraktykavany piłot-instruktar i kursant. Abodva zastalisia cełyja.
Aeradrom Chažova maje hruntovuju ŭźlotna-pasadačnuju pałasu. U zimovy pieryjad takija pałosy asabliva składanyja ŭ ekspłuatacyi z-za pramiarzańnia hruntu, nieraŭnamiernaj ščylnaści pavierchni, paharšeńnia sčapleńnia i ŭździejańnia bakavoha vietru padčas zachodu na pasadku. Dla navučalnych palotaŭ u chałodny siezon hetyja faktary istotna pavyšajuć ryzyku niaštatnaj pasadki, navat kali na borcie jość instruktar.
Situacyju prakamientavaŭ dyrektar aeradroma Anatol Barančyk. Pavodle jaho słoŭ, kamisija vyvučyła abstaviny i pretenzij da aeradroma nie maje: uźlotna-pasadačnaja pałasa adpaviadaje siertyfikacyjnym patrabavańniam, a niaŭdałaja pasadka adbyłasia z-za pamyłki piłota.
Ciapier čytajuć
Andrej Švied, architektar represij, pryznačany staršynioj Viarchoŭnaha suda4
Kamientary