Vystupajučy na Usiebiełaruskim narodnym schodzie, Alaksandra Łukašenka znoŭ nie prajšoŭ mima adnoj sa svaich ulubionych tem — nieabchodnaści paviarnuć spažyvieckija zvyčki biełarusaŭ u bok addavańnia pieravahi ajčynnamu vytvorcu.
«Dla nas, biełarusaŭ, vybar, jaki tavar kupić — biełaruski abo zamiežny, — heta pytańnie nacyjanalnaj biaśpieki. Pavinien być. Mnohija nijak nie mohuć pieraadoleć stereatyp ab elitnaści impartu.
Ale heta nie vynik dośviedu. Heta instrumient pramyvańnia mazhoŭ, jaki byŭ dosyć paśpiachova ŭžyty jašče ŭ savieckim hramadstvie, asabliva na poźnim etapie raźvićcia.
My ž razumiejem, što i tady, i siońnia jakaść vyrablenych biełarusami tavaraŭ była i zastajecca adnoj z najlepšych u śviecie. Ale ci tak my pazicyjanujem siabie na svaim ža rynku?»
Jon pakazaŭ svoj pinžak i zapytaŭsia: «Nu što, nielha nasić biełaruskaje? Raspranuć na vulicy? Hidka hladzieć?»
A tady raskazaŭ pra toje, jak 30 hadoŭ tamu jeździŭ u kamandziroŭku z ZŠA i siadzieŭ ź niejkimi «začuchanymi», niakidka apranutymi ludźmi, jakija akazalisia miljarderami. Nadta dobra apranacca tam nibyta navat nieprystojna.
Paśla taho Łukašenka abrynuŭsia na ŭłasny narod, jaki žyvie inšymi ideałami:
«A my nibyta, viedajecie, žyviom u niebahataj krainie, jašče niešta my pra Biełaruś havorym — vy havorycie! I naša nasielnictva: nu pahladzieć, na jakich aŭtamabilach jeździć narod, apranajecca ŭva što. Uźnikaje pytańnie: nu navošta vy tracicie ahramadnyja hrošy na toje, kab padtrymać zamiežnaha tavaravytvorcu? Nu padtrymajcie vy svaich: «Kamvol», Aršanski lon i hetak dalej. Dobryja tkaniny, svaje tkaniny, biaśpiečnyja ekałahična. Nu navošta vy heta robicie? Heta tyčycca kožnaha, nad hetym treba padumać, pierš čym paprakać uładu va ŭsich hrachach, i mianie ŭ tym liku».
Miž tym sam Łukašenka daloka nie zaŭsiody vychodzić u ludzi ŭ adzieńni ajčynnaj vytvorčaści. Tak, u pačatku kastryčnika dla pracoŭnaj pajezdki ŭ Pietrykaŭski rajon jon abraŭ adzieńnie zachodniaj vytvorčaści. Miarkujučy pa madeli, na im była kurtka z voŭny firmy Harkila — viadomaha skandynaŭskaha brenda.
Łukašenka: Usie chočuć kupić adzieńnie ad «Hučy» i «Viersače». Ale navošta tracicie hrošy na takuju drabiazu
U Pietrykaŭski rajon Łukašenka jeździŭ u kurtcy viadomaha skandynaŭskaha brenda
«Što vy hadaść amierykanskuju padsoŭvajecie?» Łukašenka zahadaŭ, kab u Mak.by było ŭsio biełaruskaje
Łukašenka pieražyvaje, što na rynku Rasii «ŭsie topčucca», i choča handlavać ź ES. Voś jak ciapier vyhladaje situacyja ŭ zamiežnym handli
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary
Zrabiŭ krainu majomaściu dla siabie i svajoj siamji
[Zredahavana]