Daradčyca Trampa acharaktaryzavała jaho jak pomślivuju asobu z charaktaram ałkaholika, a Maska — jak kietaminščyka
Kiraŭnica aparatu Biełaha doma Sjuzan Uajłs niečakana adkryta vykazałasia ŭ intervju amierykanskamu časopisu Vanity Fair. Siarod inšaha jana zajaviła, što prezident ZŠA Donald Tramp maje «charaktar ałkaholika», rysy jakoha ŭzmacniajucca pry ŭžyvańni śpirtnoha.
Uajłs raspaviała, što vyrasła z baćkam-ałkaholikam i dobra raźbirajecca ŭ padobnych «jaskrava vyjaŭlenych asobach». Jana padzialiłasia acenkami Trampa i jaho atačeńnia tak, nibyta joj nie davodzicca bajacca za svajo pracoŭnaje miesca, piša BILD.
Voś samyja prykmietnyja vykazvańni:
Trampam ruchaje praha pomsty. Mnohija dziejańni padčas jaho druhoha terminu pradyktavany imknieńniem da adpłaty. «Ja nie dumaju, što jon pračynajecca ranicaj i dumaje pra pomstu. Ale kali źjaŭlajecca mahčymaść, jon joju skarystajecca», — kaža Uajłs.
Tramp ihnaruje parady, u tym liku pa pytańniach departacyj, mytnych pošlin i pamiłavańniaŭ. Naprykład, Uajłs raspaviadaje, što biespaśpiachova sprabavała pierakanać jaho adkłaści abviaščeńnie bujnych mytnych taryfaŭ, pakolki siarod jaho daradcaŭ isnavali «surjoznyja roznahałośsi» nakont hetaha.
«Jon dziejničaje ŭ pierakananaści, što niama ničoha, čaho jon nie zmoh by damahčysia. Ničoha, absalutna ničoha», — kaža pra jaho charaktar daradca.
Uajłs taksama niepachvalna vykazvajecca pra vice-prezidenta Džej Dzi Vensa. Pavodle jaje słoŭ, jon «užo dziesiacihodździe źjaŭlajecca kanśpirołaham», a jaho pieratvareńnie z krytyka Trampa ŭ łajalnaha sajuźnika było «całkam palityčna matyvavanym».
Pra technałahičnaha miljardera i byłoha sajuźnika Trampa Iłana Maska Uajłs kaža, što jon — pryznany spažyviec kietaminu i «dzivak, jak heta časta byvaje z hienijami».
Paśla publikacyi intervju Uajłs abrynułasia z krytykaj na Vanity Fair u X i zajaviła, što jaje słovy vyrvany z kantekstu.
«Apublikavany siońnia ranicaj artykuł — heta iłžyvy zakazny materyjał suprać mianie i najlepšaha prezidenta, najlepšych supracoŭnikaŭ Biełaha doma i najlepšaha kabinieta ŭsich časoŭ.
Byli praihnaravany važnyja kanteksty, i mnohaje z taho, što ja i inšyja kazali pra kamandu i prezidenta, było apuščana. Paśla pračytańnia ja zychodžu z taho, što heta zroblena dla taho, kab namalavać paśladoŭna chaatyčny i niehatyŭny vobraz prezidenta i našaj kamandy», — napisała jana.
Na artykuł taksama adreahavała pres-sakratar Biełaha doma Kerałajn Levit: u Trampa «niama bolš važnaj ci bolš łajalnaj daradcy, čym Sjuzi», i ŭvieś urad, «udziačny joj za jaje razvažlivaje kiraŭnictva», zhurtavana staić za Uajłs.
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary