Rasija naniesła rakietnyja i bieśpiłotnyja ŭdary pa dvuch najbujniejšych marskich partach Adeskaj vobłaści — Adesie i Čarnamorsku. U Čarnamorsku ad adnaho z udaraŭ paciarpieła tureckaje cyvilnaje sudna.
Pavodle kadraŭ Dziaržaŭnaj słužby nadzvyčajnych situacyj Ukrainy, byŭ paškodžany bałkier CENK T, jaki naležyć tureckaj kampanii i chodzić pad panamskim ściaham. Paśla traplańnia ŭ jaho sudna zaharełasia.
Jak śćviardžajecca, pierad atakaj bałkier išoŭ z tureckaha porta Karasu ŭ bok rumynskaj Suliny i pieravoziŭ kantejniery tureckaj kampanii AKSA, jakaja vypuskaje hienieratary.
Udary nanosili rakietami «Iskander-M» i dronami «Šachied», zapuščanymi z terytoryi Kryma.
Na minułym tydni Uładzimir Pucin pahražaŭ pašyryć udary pa ŭkrainskich partach i sudnach, što zachodziać u ich, paśla taho jak Ukraina atakavała rasijskija «cieniavyja» tankiery. Jon zajaviŭ, što Rasija «moža adrezać Ukrainu ad mora», abvinavaciŭšy Kijeŭ u «piractvie».
Raniej pad ukrainskija ataki trapili rasijskija tankiery Kairos, Virat i Dashan, jakija pieravozili naftu.
Akramia tureckaha bałkiera ŭ Čarnamorsku, rasijski ŭdar pryjšoŭsia i na kantejnierny pierahruzčyk u porcie Adesy. Pa słovach vice-premjera Ukrainy Alaksieja Kuleby, adzin supracoŭnik pryvatnaj kampanii byŭ paranieny.
Ataka adbyłasia ŭ toj samy dzień, kali ŭ turkmienskim Ašchabadzie prajšła sustreča prezidenta Turcyi Redžepa Taipa Erdahana i prezidenta Rasii Uładzimira Pucina. Turecki prezident zaklikaŭ abodva baki — Rasiju i Ukrainu — spynić udary pa enierhietyčnych abjektach i partach.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary