Litoŭskaja mytnia: Na terytoryi Biełarusi znachodziacca tolki 185 hruzavikoŭ ź litoŭskimi numarami
Litoŭskaja mytnia paviedamiła, što na terytoryi Biełarusi ŭsio jašče zastajucca 185 hruzavikoŭ ź litoŭskimi numarami. Pra heta 9 śniežnia raskazała namieśnica kiraŭnika mytni Davile Kraułajdenie, piša LRT.
Pavodle słoŭ čynoŭnicy, paśla pravierki infarmacyi i prahledžanych zapisaŭ z kamier u Litvie vyśvietliłasia, što mienavita takaja kolkaść transpartnych srodkaŭ zastajecca zabłakavanaj.
Siarod ich 91 aŭtamabil i 49 pryčepaŭ naležać asacyjacyi Linava, jašče 28 aŭtamabilaŭ i 17 pryčepaŭ naležać inšym uładalnikam. Niekatoryja z mašyn majuć rasijskija numary.
Pavodle słoŭ pradstaŭnicy litoŭskaj mytni, raniej, kali ŭ asacyjacyju Linava źviartalisia z prośbaj udakładnić kolkaść zabłakavanych u Biełarusi mašyn, taja nazyvała prykładna 500 hruzavikoŭ.
Adnak sama Linava ŭ publičnych zajavach śćviardžaje, što na biełaruskim baku zastałosia nibyta kala 4 tysiač transpartnych srodkaŭ, u tym liku pryblizna 1,25 tysiačy furaŭ.
U svaju čarhu daradca premjer-ministra Ihnas Alhirdas Dabravolskas zaklikaŭ pieravozčykaŭ da sumlennaści i padačy dakładnaj infarmacyi, bo heta mahło b značna paskoryć viartańnie techniki ŭ Litvu. Jon padkreśliŭ, što ŭłady nastrojenyja nie suprać pieravozčykaŭ, a naadvarot, imknucca dapamahčy, ale dla hetaha treba mieć realnyja danyja, a nie ličby, jakija vyhladajuć jak manipulacyja.
Davidie Kraułajdenie taksama adznačyła, što ŭ apošni čas u punktach propusku na vyjezd ź Litvy ŭ Biełaruś utvarajucca ŭsio bolšyja čerhi: prajezdu praź Miedniki (ź biełaruskaha boku Kamienny Łoh) čakali kala 500 furaŭ, a praz Salečniki (Bieniakoni) — kala 300.
Jana dadała, što ź Litvy vyjazdžaje bolš hruzavikoŭ ź litoŭskimi numarami, čym ujazdžaje, ale, vidać, častka ź ich viartajecca praź inšyja punkty propusku.
Tym časam na pasiadžeńni Rady biaśpieki Alaksandr Łukašenka siońnia zapatrabavaŭ ad Litvy pačać pieramovy biez pasiarednikaŭ i prapanavaŭ vykupać u litoŭskich pieravozčykaŭ pradukcyju, jakaja moža sapsavacca. Akramia taho, jon vystaviŭ Litvie niekalki patrabavańniaŭ: viarnuć pažarnyja mašyny, pryznačanyja dla Zimbabve, adnavić narmalnuju pracu sanatoryja ŭ Druskienikach i viarnuć hrošy, układzienyja ŭ budaŭnictva porta ŭ Kłajpiedzie.
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
U Litvie prapanavali kampiensavać zachrasłyja ŭ Biełarusi hruzaviki biełaruskaj majomaściu
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary