Karłas Ałos pakidaje pasadu hałoŭnaha treniera Biełarusi pa futbole, paviedamlaje «Priessboł».
Ispaniec treniravaŭ zbornuju Biełarusi sa žniŭnia 2023 hoda. Pad jaho kiraŭnictvam nacyjanalnaja družyna praviała 26 matčaŭ, u jakich atrymała 6 pieramoh, 10 razoŭ zhulała ŭničyju i paciarpieła 10 paražeńniaŭ.
U adbory da čempijanatu Jeŭropy 2024 hoda Ałos pryjšoŭ na siaredzinie kvalifikacyi, pry im kamanda dvojčy vyjhrała, zhulała try ničyi, mieła adnu parazu i finišavała čaćviertaj u hrupie śledam za zbornymi Rumynii, Šviejcaryi i Izraila i apiaredziŭšy Kosava i Andoru.
U adbory da čempijanatu śvietu 2026 u kamandy było čatyry parazy: ad Hrecyi (1:5), Danii (0:6) i Šatłandyi (0:2, 1:2), a potym dźvie ničyi z Danijaj (2:2) i Hrecyjaj (0:0) i apošniaje miesca ŭ hrupie. Pierad pačatkam adboru pierad zbornaj staviłasia nierealnaja zadača zaniać u hrupie druhoje miesca.
Adbor na nastupny čempijanat Jeŭropy pa futbole, jaki płanujecca ŭ 2028 hodzie ŭ Vialikabrytanii i Irłandyi, projdzie ŭ 2027 hodzie, ale ŭvosień 2026 hoda projduć matčy Lihi nacyj.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary