Daradca Cichanoŭskaj Dzianis Kučynski pravioŭ sustreču ŭ Biełym domie
«Budučynia našaha śvietu farmirujecca na hetym tydni. Tamu ja siońnia ŭ Biełym domie ad imia Śviatłany Cichanoŭskaj», — napisaŭ Dzianis Kučynski, zaznačyŭšy, što heta jahony treci vizit u Bieły dom za apošnija 5 miesiacaŭ.
«Cudoŭna było pravieści tet-a-tet pieramovy z Endzi Bejkieram, namieśnikam daradcy prezidenta ZŠA pa nacyjanalnaj biaśpiecy, daradcam pa nacyjanalnaj biaśpiecy i klučavym pamočnikam Marka Rubia. My abmierkavali: praciah humanitarnych namahańniaŭ ZŠA pa zabieśpiačeńni vyzvaleńnia biełaruskich palitviaźniaŭ — ź vialikaj padziakaj za bolš čym 100 zakładnikaŭ, užo vyzvalenych dziakujučy vydatnym, niastomnym namahańniam niadaŭna pryznačanaha śpiecyjalnaha pasłańnika ZŠA pa Biełarusi, spadara Džona Koŭła i jaho kamandy», — napisaŭ jon.
Kučynski zaznačyŭ, što byli zakranutyja taksama nastupnyja pytańni:
— mirnyja pieramovy pa Ukrainie i toje, jak ich vynik vyznačyć budučyniu Biełarusi:
— važnaść adnaŭleńnia i ŭmacavańnia suvierenitetu Biełarusi i zapusku pracesu demakratyčnaha pierachodu:
— pahłybleńnie stratehičnaha dyjałohu pamiž Złučanymi Štatami i biełaruskimi demakratyčnymi siłami,
— ciapierašnija hibrydnyja ataki suprać Litvy i Polščy i nieabchodnaść praciahvać cisk na biełaruski režym.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary