Dziaržsakratar ZŠA Marka Rubia zajaviŭ, što dla zaviaršeńnia kanfliktu nieabchodna razmaŭlać z Rasijaj.
«Urešcie, viedajecie, heta nie naša sprava. Heta nie naša vajna. My ŭ joj nie vajujem. Heta nie amierykanskija sałdaty. Heta na inšym kantyniencie. My ŭciahnutyja, bo my — adzinyja, chto moža heta zrabić. Jeŭrapiejskija krainy, bolš nichto ŭ śviecie nie moža hetaha zrabić. Kitajcy nie mohuć. Adziny lidar u śviecie, jaki moža razmaŭlać z abodvuma bakami i zaklučyć maksimalna mahčymuju damovu, — heta prezident Tramp. I jon byŭ vielmi ciarplivy», — prakamientavaŭ Marka Rubia.
Jon zajaviŭ, što administracyja ZŠA sprabuje zrazumieć, ci mahčyma pieraadoleć roznahałośsi pamiž dvuma bakami.
«Dla hetaha nam treba havaryć z abodvuma. U nas jość niekalki nie zusim racyjanalnych ludziej, zamiešanych u hetym pytańni. Ludzi, jakija ličać, što nam varta razmaŭlać tolki z ukrainskim bokam i ŭvohule nie havaryć z ruskimi. Niemahčyma spynić vajnu pamiž Rasijaj i Ukrainaj, nie pahavaryŭšy z Rasijaj. Taksama nieabchodna ŭličvać pazicyju Ukrainy. Urešcie, usio budzie zaležać ad ich. Kali jany vyrašać nie spyniać vajnu, jana budzie praciahvacca», — dadaŭ Marka Rubia.
Jon taksama adkinuŭ śćvierdžańni, što ZŠA pavinny pierastać finansavać Ukrainu
«Heta nierealistyčna. Heta nie adpaviadaje rečaisnaści. I hetaha nie adbudziecca. Paru tydniaŭ tamu Pucin skazaŭ: «Heta moža zaniać šmat času, ale my dasiahniom svaich metaŭ. Mahčyma, heta abydziecca daražej i zojmie bolš času, čym my chacieli, ale my spravimsia». I ja dumaju, mienavita taki ŭ ich mientalitet. My ž sprabujem znajści mahčymaść skončyć vajnu, kab abaranić budučyniu Ukrainy», — zaklučyŭ dziaržsakratar ZŠA.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary