Niamiecki bank adkazaŭ na słovy Maryi Kaleśnikavaj pra błakiroŭku rachunku
Bank Commerzbank adkazaŭ na zapyt Deutsche Welle, čamu byŭ zabłakavany niamiecki rachunak byłoj biełaruskaj palitźniavolenaj Maryi Kaleśnikavaj, pakul jana adbyvała pakarańnie ŭ kałonii.
Niamiecki Commerzbank, dzie ŭ Maryi Kaleśnikavaj byŭ rachunak da jaje aryštu ŭ Biełarusi, u kamientary dla DW Biełaruś adkazaŭ, što nie mohuć kamientavać adnosiny z asobnymi klijentami.
U banku taksama ŭdakładnili, što zapyty na adnaŭleńnie rachunku pieradajucca ŭ adpaviedny adździeł dla razhladu, jaki paśla, jak praviła, źviazvajecca z klijentam.
«U cełym my možam skazać, što praciahvajem absłuhoŭvać klijentaŭ — hramadzian Biełarusi, kali jany pražyvajuć u Jeŭrapiejskim sajuzie i majuć dziejny dazvoł na žycharstva ŭ toj krainie ES, u jakoj jany pražyvajuć», — rastłumačyŭ pradstaŭnik Commerzbank.
Na minułym tydni Maryja Kaleśnikava zajaviła, što pakul jana siadzieła ŭ kałonii, jaje rachunak u Commerzbank byŭ zabłakavany i źviazała heta z sankcyjami suprać Biełarusi.
«Davoli paciešnaja historyja. U mianie byŭ rachunak u Commerzbank 17 hadoŭ [Maryja žyła ŭ Hiermanii z 2008 hoda — NN]. Kali ja była ŭ kałonii, naturalna, ja nie mahła im kiravać. I ŭ niejki momant jaho zabłakavali. Ciapier moj rachunak zabłakavany, i ŭ mianie niama dostupu da jaho praz sankcyi suprać Biełarusi. Ja taksama ź Biełarusi, i heta zakranaje i mianie, choć ja ciapier u Hiermanii sa svaim [zabłakavanym] rachunkam, jaki byŭ adkryty 17 hadoŭ tamu. I ja pakul ničoha nie mahu z hetym zrabić», — skazała jana.
-
HUR nazvała biełaruskija pradpryjemstvy, jakija ŭdzielničajuć u stvareńni rasijskaha anałaha Starlink
-
Palčys: Pratasievič navat nie pasprabavaŭ złamać telefon i noŭtbuk, vykinuć ich u tualet — što zaŭhodna
-
«Navičkam dajecca karotkaja viza — 15‑30 dzion». Biełarusy dzielacca, jak Italija ciapier vydaje vizy
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy27
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary