Na fota vyzvalenych ukraincaŭ apaznali palitźniavolenaha Viačasłava Barodzija. Ale heta akazałasia pamyłkaj
Kadry z čałaviekam, vielmi padobnym da jaho, apublikavali ŭkrainskija ŭłady, piša «Viasna». Paśla, adnak, pravaabaroncy zrabili ŭdakładnieńnie, što pamylilisia — nasamreč heta nie Viačasłaŭ Barodzij.
Ukrainskaha jehiera Viačasłava Barodzija zatrymali 1 vieraśnia 2023 hoda ŭ Jelskim rajonie Biełarusi, jaki miažuje z Žytomirskaj vobłaściu Ukrainy. Viadoma, što Viačasłaŭ naradziŭsia ŭ Žytomirskaj vobłaści, niekatory čas žyŭ u Mazyry, a potym viarnuŭsia va Ukrainu i pracavaŭ jehieram, vychoŭvaje troch dziaciej.
Prapahandysty paviedamlali, što Barodzij nibyta paśla pačatku poŭnamaštabnaj vajny prajšoŭ padrychtoŭku ŭ navučalnym centry Hałoŭnaha ŭpraŭleńnia raźviedki Minabarony Ukrainy i što «z sakavika 2023 hoda, akramia HUR Minabarony, jon staŭ supracoŭničać jašče i sa Słužbaj biaśpieki Ukrainy».
Paźniej jaho asudzili da 10 hadoŭ kałonii.
Pra pamiłavańnie Alaksandram Łukašenkam i vyzvaleńnie ź biełaruskich turmaŭ 31 źniavolenaha hramadzianina Ukrainy stała viadoma siońnia, 22 listapada.
Piersanalna pakul viadoma tolki pra vyzvaleńnie 18‑hadovaj Maryi Misiuk.
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary