U cichim minskim mikrarajonie na bierazie Śvisłačy płanujuć novaje budaŭnictva
U mikrarajonie Minska, jaki abmiežavany vulicami Majakoŭskaha i Dzianisaŭskaj, płanujecca budaŭnictva novych žyłych damoŭ i hramadskich abjektaŭ. Na hetych terytoryjach źbirajucca źnieści staruju zabudovu: siadzibnyja damy, dvuchpaviarchovyja damy i były aŭtapark, piša Realt.by.
Novaja zabudova raźmieścicca niedaloka ad nabiarežnaj Śvisłačy. U administracyi Leninskaha rajona ŭžo pačałosia hramadskaje abmierkavańnie prajekta.
Terytoryja pad płanavuju zabudovu zajmaje 69,6 hiektara, pa stanie na hety momant tut žyvuć kala 4300 čałaviek. U rajonie susiedničajuć šmatpaviarchovyja damy, indyvidualnaja zabudova, terytoryja čaści ŭnutranych vojskaŭ, aŭtakambinat № 2, były aŭtapark i haražy. Pobač ciače raka Śvisłač i znachodzicca Łošycki siadzibna-parkavy kompleks.
U rajonie jość bujnyja abjekty infrastruktury: HZC «Karona», Minski haradski pałac kultury, Minski dziaržaŭny kaledž lohkaj pramysłovaści i łahistyki, sud Minskaha rajona, navukova-daśledčy centr, stadyjon FK «Minsk». A voś dziciačych sadkoŭ, škoł i paliklinik pakul niama.
Pa płanach, na ŭčastkach, jakija ciapier nibyta vykarystoŭvajucca nieefiektyŭna, źjaviacca žyłyja damy i hramadskija abjekty. Meta prajekta — stvaryć sučasny kamfortny žyły rajon.
Na pieršym etapie płanujecca zabudova terytoryi u vakolicach Majakoŭskaha, 115a, dzie ciapier znachodzicca aŭtapark №2. Tut źjaviacca žyłyja damy prykładna na 400 kvater i dziciačy sadok. Pablizu Śvisłačy buduć uźviedzienyja pieravažna šmatpaviarchovyja damy (vyšynioj bolš za 10 pavierchaŭ). U vyniku kolkaść žycharoŭ mikrarajona moža pavialičycca da 7500 čałaviek.
Płanujecca taksama pabudova pačatkovaj škoły na 300 miescaŭ i dziciačaha sadka na 230 miescaŭ, šmatfunkcyjanalnaha spartyŭna-azdaraŭlenčaha kompleksu z basiejnami, hramadskim charčavańniem i hatelem na 20 numaroŭ, a taksama abjektaŭ handlu, bytavoha absłuhoŭvańnia, apteki i spartzały.
Častku indyvidualnych damoŭ pa vulicy Siamionava płanujuć źnieści.
Hramadskaje abmierkavańnie prajekta prachodzić z 10 pa 25 listapada. Vyniki buduć razhledžanyja na pasiadžeńni architekturna-horadabudaŭničaj rady pry hałoŭnym architektary horada.
U Minsku pačałasia madernizacyja niezvyčajnaha abjekta: absiervatoryi Płanietaryja ŭ parku Horkaha
Hety ramont kaštavaŭ minčukam amal $100 000. Jak dumajecie, jon taho varty?
U Minsku budujecca samy vysoki chmaračos u Biełarusi
U Minsku narabili šmat niepatrebnych parkinhaŭ. Ciapier ich buduć pierarablać
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?11
Kamientary
Cikava, kali Navinki i Zacień pačnuć "upłatniać".