Stužka «Kačeŭnik» da bolu nahadvaje «Anastasiju Słuckuju» – tolki ź nieparaŭnalna bolšym biudžetam i prakatnym pijar-razmacham. Siarod pradusaraŭ – Miłaš Forman. Pahladzieŭšy film, ciažka zrazumieć, što jon tam robić
Kačeŭnik. Kazachstan – ZŠA, 2004, kalarovy, 111 chv.
Žanr: Histaryčny epas. Adznaka: 4 (z 10)
Kazachstanskaja stužka «Kačeŭnik» da bolu nahadvaje «Anastasiju Słuckuju» – tolki ź nieparaŭnalna bolšym biudžetam, amerykanskimi pradusarami j prakatnym pijar-razmacham.
Siarod pradusaraŭ – Miłaš Forman, i, pahladzieŭšy film, ciažka zrazumieć, što jon tam robić. Jość i amerykanskija aktory, siarod ich Mark Dakaskas – najlepšy.
Ale karcina – nazarbajeŭski ŭra-patryjatyčny kardon.
Siužet: mudry stary chavaje chanskaha syna ad džunharskich zachopnikaŭ i vychoŭvaje. Małady chan Abłaj musić abjadnać kazaskija plamiony.
Scenaryst Rustam Ibrahimbekaŭ jaŭna schałturyŭ. Nie pajšła stužcy na karyść i čarada režyseraŭ: Siarhiej Badroŭ-starejšy, Ivan Paser, Tałhat Temienaŭ. Usio heta nam znajoma.
Jak i ŭ «Anastasii», aktory nia hrajuć: stanoviacca ŭ pozu. Jak i ŭ «Anastasii» najvyihryšnaje – aperatarskija zdymki: kazaski step, abłoki ŭ čyrvani, piasok.
Stvaralnikam filmu chapiła rozumu nie zaprašać na karcinu stryptyzeraŭ – i nie skupicca na piratechničnyja efekty, a scena prajezdu Abłaja praz strałkoŭ amal halivudzkaja.
Ale ŭ filmie hałoŭnaje – ustupnyja j zaklučnyja cytaty z Nazarbajeva.
Pa zamovie – i vykanańnie.
Karcina – dla patryjotaŭ-kazachaŭ i prychilnikaŭ Nazarbajeva.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž26
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»44
Kamientary