Prynamsi siem alpinistaŭ, u tym liku piać zamiežnikaŭ i dva niepalcy, zahinuli ŭ vyniku schodu łaviny na adnoj ź viaršyniaŭ Himałajaŭ u paŭnočna-ŭschodniaj častcy Niepała, paviedamiła ekśpiedycyjnaje ahienctva Seven Summit Treks.
Incydent adbyŭsia a 09:00 pa miascovym časie ŭ paniadziełak niedaloka ad bazavaha łahiera hary Jałunh Ry ŭ akruzie Dałakcha, piša Bi-bi-si.
Vyratavalniki znajšli dva cieły i praciahvajuć pošuki astatnich piaci, jakija, jak ličycca, pachavanyja pad śnieham. Vosiem čałaviek udałosia vyratavać, jany znachodziacca ŭ stalicy Katmandu, dzie im nadajecca miedycynskaja dapamoha.
Usie hetyja alpinisty ŭvachodzili ŭ hrupu, jakaja vyjšła na maršrut za hadzinu da schodu łaviny, paviedamiŭ Niepalskaj słužbie Bi-bi-si načalnik rajonnaj palicyi.
Cieły piaci inšych zahinułych alpinistaŭ «mohuć znachodzicca na hłybini 3—4,5 mietra pad śnieham», — skazaŭ kiraŭnik Seven Summit Treks Minma Šerpa. Pavodle jaho słoŭ, na ich pošuki moža spatrebicca šmat času.
Siarod zahinułych — dva italjancy, kanadziec, niemiec, francuz i dva hidy-niepalcy.
Namieśnik načalnika miascovaj palicyi Hian Kumar Machata paviedamiŭ Bi-bi-si ŭ paniadziełak, što vyratavalny viertalot pryziamliŭsia ŭ rajonie Na Haŭn u Dałakchie — za piać hadzinaŭ chady ad bazavaha łahiera Jałunh Ry.
Adzin z paciarpiełych alpinistaŭ raspavioŭ, što jany nieadnarazova vyklikali dapamohu, ale biezvynikova. «Kali b vyratavalniki prybyli svoječasova, možna było b uratavać bolš žyćciaŭ», — skazaŭ jon.
Machata paviedamiŭ žurnalistam, što vyratavalnyja raboty ŭskładniali drennaje nadvorje i łahistyčnyja prablemy, jakija nie dazvolili dabracca da alpinistaŭ ni na viertalocie, ni pieššu.
Hrupa rychtavałasia da ŭzychodžańnia na susiedniuju viaršyniu Dołma Kchanh vyšynioj 6332 m. Uzychodžańnie na Jałunh Ry vyšynioj 5630 m było častkaj prahramy aklimatyzacyi.
Paralelna praciahvajucca sproby vyratavać dvuch italjanskich alpinistaŭ, źnikłych bieź viestak pry sprobie padniacca na haru Panbary ŭ zachodniaj častcy Niepała.
Stefana Faronata i Alesandra Kaputa ŭvachodzili ŭ hrupu z troch čałaviek, jakaja na minułym tydni apynułasia ŭ składanym stanoviščy razam z tryma miascovymi hidami. Treciaha člena hrupy ŭdałosia vyratavać, pavodle ŚMI, heta 65‑hadovy Vielter Pierlina.
Vosień — papularnaja para hoda dla alpinistaŭ u Niepale, pakolki ŭmovy nadvorja i bačnaść, jak praviła, lepšyja. Adnak nadvorje ŭ harach usio adno niaŭstojlivaje.
Na minułym tydni cykłon «Monta» prynios mocnyja daždžy i śniehapady pa ŭsim Niepale, jakija vyklikali pavodki i apoŭźni, praz što, u pryvatnaści, daviałosia ratavać hrupu alpinistaŭ u rehijonie Mustanh na zachadzie krainy. Usiaho achviarami stychii ŭ krainie stali bolš za 50 čałaviek.
U kastryčniku praz składanyja umovy nadvorja pryblizna 580 turystaŭ zachraśli pablizu hary Evierest na vyšyni bolš za 4900 m. Mocny śniehapad zabłakavaŭ im darohu nazad, i ich daviałosia evakujavać siłami kitajskich vyratavalnikaŭ.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary