80‑hadovuju pasažyrku kruiznaha sudna zabylisia na trapičnym vostravie. Heta skončyłasia dla jaje trahična
Aŭstralijskija ŭłady rasśledujuć abstaviny, jakija pryviali da śmierci 80‑hadovaj žančyny, jakuju kruiznaje sudna zabyłasia na trapičnym vostravie ŭ rajonie Vialikaha Barjernaha ryfa. Cieła žančyny, imia jakoj nie nazyvajecca, było znojdziena ŭ niadzielu na vostravie Lizard niedaloka ad uźbiarežža štata Kvinsłend, i palicyja nazvała jaje śmierć «raptoŭnaj, ale jakaja nie vyklikaje padazreńniaŭ», paviedamlaje Euronews.
Pra źniknieńnie pasažyrki, jakaja adpraviłasia ŭ kruiz vakoł Aŭstralii na karabli Coral Adventurer, abjaviŭ kapitan sudna ŭ subotu kala dzieviaci hadzin viečara, paviedamiła Aŭstralijskaje ŭpraŭleńnie biaśpieki na mory (AMSA). Raniej u hety dzień kruizny łajnier spyniŭsia kala vostrava Lizard u ramkach svajho maršrutu.
Pa paviedamleńniach aŭstralijskich ŚMI, 80‑hadovaja žančyna adstała ad svaich spadarožnikaŭ padčas prahułki pa vostravie.
Daviedaŭšysia pra źniknieńnie žančyny, kapitan addaŭ zahad viarnucca da vostrava. Cieła pasažyrki znajšli ŭ niadzielu ranicaj.
AMSA rasśleduje hety incydent, u tym liku «abstaviny, pa jakich adsutnaść pasažyrki nie była zaŭvažanaja pry pasadcy». Rasśledavańnie budzie prachodzić u ciesnym supracoŭnictvie ź inšymi viedamstvami, havorycca ŭ paviedamleńni.
Pradstaŭniki viedamstva sustrenucca z karablom Coral Adventurer u Darvinie, horadzie na Paŭnočnaj terytoryi Aŭstralii, kudy sudna pavinna prybyć u kancy hetaha tydnia. U svajoj zajavie Mark Fajfiłd, hienieralny dyrektar kruiznaha apieratara Coral Expeditions, paćvierdziŭ «trahičnuju hibiel pasažyra Coral Adventurer padčas ekskursii na vostraŭ Lizard».
«Pakul praciahvajecca rasśledavańnie incydentu, my hłyboka škadujem, što heta adbyłosia, i akazvajem poŭnuju padtrymku siamji žančyny», — skazaŭ jon.
Na vostravie Lizard niama pastajannaha nasielnictva. Adnak tut znachodzicca daśledčaja stancyja, a taksama kurort kłasa luks i kiempinh, jaki znachodzicca ŭ padparadkavańni Słužby parkaŭ i dzikaj pryrody štata Kvinsłend. Pavodle sajta kampanii, kruizy na karabli Coral Adventurer, jaki źmiaščaje da 120 haściej, mohuć kaštavać dziasiatki tysiač aŭstralijskich dalaraŭ (1 aŭstralijski dalar — 0,65 dalaraŭ ZŠA).
22‑hadovaja biełaruska žyvie ŭ Novaj Ziełandyi i raskazvaje, jak jano
U Aŭstralii akuła napała na padletka. Jaho vyratavali advažnyja siabry
«Čytała, što vašy chłopcy — supiermieny». Biełarus palacieŭ u Indanieziju i tam paznajomiŭsia z žonkaj
Aŭstralija zapłacić susiedniamu atołu $1,5 miljarda za stvareńnie kałonii dla departavanych mihrantaŭ-złačyncaŭ
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ4
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1717
Kamientary
Obyčno stojat s ručnymi sčietčikami (takije na siekundomier pochožije, s knopkoj) i sčitajut količiestvo sošiedšich na bierieh i količiestvo viernuvšichsia na bort. Jeśli nie schoditsia, načinajut pierievoračivať ostrov. Potomu kak jesť nieobitajemyje ostrova, t.ie. tam nikto nie živiet, i vieś siervis vyhružajetsia s łajniera. Zabudieš tam babku, i ona možiet pomierieť odna pod palmoj bieź vsieho. Eto nie ostanovka v bolšom portu.