Hałoŭny doktar Jelskaj balnicy, dzie ŭ mai pamierła 14‑hadovaja školnica, uznačaliŭ sanatoryj
Paśla siami hadoŭ pracy u Jelskaj rajonnaj balnicy byŭ zvolnieny hałoŭny doktar ustanovy Kanstancin Klimianok. Jaho miesca pakul vakantnaje, pryznačany v.a. hałoŭnaha doktara.
8 kastryčnika Kanstancin Klimianok byŭ pryznačany na pasadu načalnika sanatoryja «Sosny» Mazyrskaha naftapierapracoŭčaha zavoda, piša «Fłahštok».
Novaje miesca pracy Klimianka nie vyhladaje jak pakarańnie za śmierć dziciaci — naadvarot, kiraŭničaja pasada ŭ viedamasnym sanatoryi adnaho ź viadučych pradpryjemstvaŭ rehijona moža zdacca bolš pryvabnaj, čym miesca hałoŭnaha doktara balnicy ŭ depresiŭnym rajonie.
Niezadoŭha da trahiedyi ŭ Jelsku Klimianok byŭ uznaharodžany hramataj Biełaruskaha prafsajuza rabotnikaŭ achovy zdaroŭja «za šmathadovuju, dobrasumlennuju pracu ŭ sistemie achovy zdaroŭja, pracu pa raźvićci i ŭmacavańni sacyjalnaha partniorstva, arhanizacyjnaje zabieśpiačeńnie efiektyŭnaj pracy pa akazańni miedycynskaj dapamohi nasielnictvu».
U mai 2025 hoda ŭ Jelskaj rajonnaj balnicy pamierła 14‑hadovaja školnica. U dziaŭčynki byli kašal i chrypy, kali baćka pryvioz jaje ŭ balnicu. Praź niekalki hadzin paśla špitalizacyi doktarka paviedamiła siamji, što dziaŭčynka ŭpała ŭ komu i była pieraviedziena ŭ reanimacyju.
Baćki pryjechali ŭ balnicu i 4 hadziny čakali pryjezdu reanimacyjnaj bryhady z Mazyra, ale jany admovilisia ad transparciroŭki z-za ciažkaha stanu dziciaci. Paśla hetaha była vyklikana bryhada z Homiela, jakaja prybyła kala apoŭnačy. Nieŭzabavie baćku paviedamili pra śmierć dački.
-
Franak Viačorka: U nas afihiennaja dyjaspara, ale nyćcio pra toje, što ŭsio kiepska, dematyvuje. My nie ŭmiejem pradavać pośpiechi
-
Troch polskich śviataroŭ vysłali ź Biełarusi
-
«Pry znajomstvie pradstaŭlałasia: «Maryna». Hutarka z byłoj hałoŭnaj redaktarkaj Tut.by, palitźniavolenaj i švačkaj homielskaj kałonii
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj25
Kamientary
Eto modno sriedi hłavvračiej CRB pośle śniatija za prosčioty vozhłavlať sanatorii.