«Heta žach». Kiraŭnik Stolina vykazaŭsia pra rajonnuju balnicu, ale schamianuŭsia i ŭsio vydaliŭ
Kiraŭnik Stolinskaha rehijona Alaksandr Pačko naviedaŭ piedyjatryčnaje adździaleńnie miascovaj balnicy i skazaŭ, što jano znachodzicca ŭ žachlivym stanie. Pres-słužba čynoŭnika apublikavała jaho kamientaryj pra heta, ale nieŭzabavie vydaliła, zaŭvažyła «Lusterka».
Piedyjatryju Stolinskaj balnicy Pačko naviedaŭ 20 kastryčnika.
«Heta — žach. Dla dziaciej — heta nie ŭmovy», — pracytavała jahonaja pres-słužba.
Pieršy post pra vizit kiraŭnika rehijona ŭ piedyjatryčnaje adździaleńnie źjaviŭsia ŭ telehram-kanale rajvykankama ŭ 21:13.
Administratary kanała taksama napisali, što «ahulnaja adznaka ad kiraŭnika rehijonu pa stanie adździaleńnia — 4 pa 10‑balnaj sistemie».
Alaksandr Pačko paabiacaŭ, što ŭ bližejšy čas śpiecyjalizavanymi arhanizacyjami budzie raspracavana dakumientacyja dla praviadzieńnia ramontnych rabot balničnych pałat.
Užo ŭ 22:04 paviedamleńnie vydalili.
Praź piać chvilin paśla vydaleńnia pres-słužba Pačko apublikavała nie taki rezki post. Tam ni słova nie było pra žudasny stan ustanovy, a taksama pra toje, što «dla dziaciej — heta nie ŭmovy».
«Staršynia Stolinskaha rajonnaha vykanaŭčaha kamiteta Alaksandr Pačko paviedamiŭ, što piedyjatryčnaje adździaleńnie čakaje renavacyja. U bližejšy čas śpiecyjalizavanymi arhanizacyjami budzie raspracavana prajektna-kaštarysnaja dakumientacyja dla praviadzieńnia ramontnych rabot balničnych pałat. Renavacyja piedyjatryčnaha adździaleńnia pačniecca z ramontu dachu. Pytańnie funkcyjanavańnia piedyjatryčnaha adździaleńnia pastaŭlena na asabisty kantrol», — tak hučyć abnoŭlenaja viersija pasta.
Mackievič: Nie para asprečvać lidarstva Cichanoŭskaj. Jana vielmi dobraja ŭ jakaści lidarki6
Mackievič: Nie para asprečvać lidarstva Cichanoŭskaj. Jana vielmi dobraja ŭ jakaści lidarki
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary