Hałoŭčanka zaklikaŭ ludziej nie šarachacca, nie panikavać i pazbaŭlacca ad dalara
Staršynia praŭleńnia Nacyjanalnaha banka Raman Hałoŭčanka ŭ efiry telekanała «Biełaruś 1» rastłumačyŭ, čamu biełaruski rubiel umacoŭvajecca da dalara.
Adkazvajučy na pytańnie, ci varta kuplać dalary, Raman Hałoŭčanka zaklikaŭ «nie šarachacca i nie panikavać» i nahadaŭ pra svaju paradu pazbaŭlacca ad hetaj valuty.
«Biełaruski rubiel umacoŭvajecca da dalara. Uličvajučy toje, što my pryviazanyja da košyka valut, bolšaje značeńnie dla našaha košyka maje rasijski rubiel. Adpaviedna, rasijski rubiel umacoŭvajecca da dalara — płaŭna ŭmacoŭvajemsia i my. Za hety hod biełaruski rubiel umacavaŭsia da dalara na 13—14 %», — adznačyŭ kiraŭnik Nacbanka.
«Hieapalityčnaja situacyja vielmi ŭpłyvaje na kurs dalara. Jaho suadnosiny ź jeŭra adčuvalnyja. Tamu hałoŭnaje — nie šarachacca».
U pačatku hod dalar kaštavaŭ 3,4735 rubla, paśla čaho kurs staŭ źnižacca. U pačatku leta amierykanskaja valuta padała da 2,91, paśla čaho stała raści i navat dachodziła da 3,1 rubla. Ale apošnija miesiacy bałansuje vakoł płanki try rubli.
Na tarhach u minułuju piatnicu dalar kaštavaŭ 2,9831 rubla.
Kamientary