Hety niezvyčajny adnapaviarchovik u rajcentry pabudavaŭ znakamity italjanski architektar. Budynak možna kupić
Pastavy — nievialiki biełaruski haradok z admietnaściu. Tut zachavaŭsia ceły kompleks unikalnych budynkaŭ na płoščy Lenina, jakija źniešnie padobnyja da «piernikavych» damoŭ. Pabudova ź niezvyčajnaj architekturaj u styli baroka źjaviłasia ŭ maleńkim rajcentry ŭ 1770— 80‑ch hadach. U budaŭnictvie braŭ udzieł viadomy italjanski architektar Džuzepe de Saka, jaki ŭ XVIII stahodździ zajmaŭ pasadu architektara pry dvary karala Stanisłava Aŭhusta Paniatoŭskaha i paśpieŭ pakinuć śled u roznych kutkach Biełarusi, piša Onliner.
U skład architekturnaha ansambla ŭvajšli dva dvuchpaviarchovyja damy ź niezvyčajnymi vysokimi dachami — «dom doktara» na płoščy Lenina, 4, i «zajezny dom» № 11. Akramia taho, da ich možna dadać try adnapaviarchovyja «damy ramieśnika» z dekaratyŭnymi ščytami i mansardami, a taksama žyły dom ź viežaj, jaki źjaviŭsia ŭ XIX stahodździ paśla źlićcia dvuch susiednich budynkaŭ. Hetyja budynki stali centralnym abjektam handlovaj płoščy rajcentra.
Adzin z hetych budynkaŭ ź dźviuma prybudovami na vuł. Lenina, 15, znachodzicca ŭ pošuku novaha haspadara. Jaho ahulnaja płošča — amal 114 kvadratnych mietraŭ.
Pabudavali cikavy ŭ płanie architektury adnapaviarchovik u 1915 hodzie, a ŭ našy dni administracyjny budynak zapisali ŭ lik historyka-kulturnaj spadčyny krainy.
Jamu pasprabujuć znajści novaha ŭładalnika na aŭkcyjonie 12 listapada.
«Piernikavy» domik u Pastavach acanili pieršapačatkova ŭ 105 776 rubloŭ, abo amal $35 tysiač pa kursie.
Padać zajaŭku na ŭdzieł u tarhach možna da 6 listapada.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty12
Kamientary