«Biełarusy jak z łancuha sarvalisia». U krainie pačali pierapradavać cacki z «Kids Miła»
U Biełarusi niezvyčajny trend: ludzi skuplajuć i pierapradajuć cacki ź dziciačych abiedaŭ, što ciapier pradajucca ŭ sietcy Mak.by — byłym McDonald’s.
Pra novaje zachapleńnie raspaviała błohierka Iryna ŭ tyktoku, zaŭvažyła BGmedia. Pavodle jaje słoŭ, ceny na cacki dasiahajuć 50 — 140 rubloŭ, što časam značna pieravyšaje canu samoha abiedu.
«Biełarusy jak z łancuha sarvalisia. Jany masava skuplajuć hetyja cacki. Košty časam prosta zaškalvajuć», — raskazała jana ŭ svaim videa.
Błohierka pryznałasia, što maje niekalki takich cacak, ale ciapier, z ulikam vysokich cen, naŭrad ci nabyvała b ich.
«Niejkaja novaja kryptavaluta Biełarusi», — kaža jana.
Mak.by zapuściŭ limitavanuju sieryju fihurak u supracoŭnictvie z «Sajuzmultfilmam». U sieryju ŭvajšli papularnyja piersanažy: Vini-Puch i Piatačok, Voŭk i Zajac z «Nu, pačakaj!», lanivy školnik z «Voŭki ŭ Trydziaviatym carstvie», papuhaj Kieša, Vožyk u tumanie i inšyja. Akramia taho, była anansavanaja «Mult Boks» — cacka z tajemnaj liniejki, jakaja vypadkova traplajecca pakupnikam, piša Onliner.
U sacsietkach karystalniki chvalacca svaimi kalekcyjami, abmieńvajucca cackami i šukajuć tyja, što nie paśpieli nabyć.
Faktyčna, košt adnaho dziciačaha abiedu składaje kala 15 rubloŭ, a voś pieraprodaž asobnych fihurak značna pieravyšaje hetuju sumu.
U abjavach na biełaruskich internet-barachołkach Onliner pabačyŭ fihurki pa nievierahodnaj canie ŭ 1000 rubloŭ za paru (Vini-Puch i Piatačok biez pakavańnia).
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary
– Nie, nafih. Hladzi ja kupiŭ piatačka z Cheppi Miła.
[Zredahavana]