U Bychaŭskim rajonie žančyna pamierła ad ukusu asy, kali piła kvas
Niaščaście zdaryłasia ŭ kancy žniŭnia na leciščy.
Pavodle słoŭ muža, 57‑hadovaja žančyna pakutavała ad alerhii na ŭkusy nasiakomych, i ŭ toj złaščasny dzień padčas užyvańnia kvasu jaje ŭkusiła asa ŭ vusny.
Vypiŭšy try tabletki supraćalerhičnaha preparata, žančyna, adčuŭšy niedamahańnie, pajšła adpačyć u pakoj, adnak užo praź niekalki chvilin straciła prytomnaść. Chutkaja dapamoha kanstatavała śmierć.
Sudovym ekśpiertam vyjaŭlena tolki kołataja rana miakkich tkanak nižnich vusnaŭ, jakaja mahła ŭtvarycca ad džała jadavitaha nasiakomaha. U vyniku ŭkusu ŭ paciarpiełaj raźviŭsia anhijanieŭratyčny aciok (aciok Kvinkie) u vobłaści tvaru, šyi, vierchnich dychalnych šlachoŭ z zvužeńniem ich praśvietu, što pryviało da ŭdušša. Śmierć nastupiła na praciahu niekalkich chvilin, paviedamlaje Dziaržkamitet sudovych ekśpiertyz.
Ekśpierty źviartajuć uvahu, što adzinkavych ukusaŭ džalačych nasiakomych u vobłaść tvaru i šyi dastatkova dla zapusku ŭ arhaniźmie składanaha imunabijałahičnaha miechanizmu — reakcyi hipieradčuvalnaści na alerhien, jakaja vyklikaje niezvarotnyja patałahičnyja źmieny ŭ orhanach dychańnia i krovazvarotu.
Ekśpierty nahadvajuć: pry ŭźniknieńni pieršych simptomaŭ miascovaj alerhičnaj reakcyi pry ŭkusie ŭ tvar i šyju nieabchodna terminova źviarnucca pa miedycynskuju dapamohu, bo lik moža iści na chviliny. Pry pieršasna ŭźnikłaj alerhičnaj reakcyi na ŭkus džalačych nasiakomych nieabchodna kansultacyja alerhołaha dla pryznačeńnia lačeńnia i atrymańnia rekamiendacyj pa prafiłaktycy alerhičnych reakcyj.
Ciapier čytajuć
U Minsku pradali karcinu maładoj mastački za 402 tysiačy jeŭra3
Kamientary
Nia viedaju, ci možna nabyć u aptekach admysłovy kartrydž ź injekcyjaj adrenalinu(čymści padobny da insulinavaha), tut, na Pcičy, takoj mahčymaści niama. U takim vypadku majcie z saboju zvyčajnuju ampułu j špryc.