Były kiraŭnik Prezidenckaha arkiestra trapiŭ pad ataku dronaŭ u Daniecku
Dyryžor Viktar Babarykin pajechaŭ tudy na hastroli.
Dyryžor Viktar Babarykin trapiŭ pad ataku dronaŭ u Daniecku, kudy pryjechaŭ, kab dyryžyravać Danieckim simfaničnym arkiestram. Vystupać jon pavinien byŭ 5 kastryčnika na jubilejnym kancercie zasłužanaha rabotnika kultury Rasii kampazitara Uładzimira Voŭčanki, paviedamlaje ahienctva «Minsk-Naviny».
Dyryžor nie paciarpieŭ. A ŭ zale fiłarmonii, pa jaho słovach, sabraŭsia anšłah.
Babarykin zaŭvažyŭ, što jaho maci naradziłasia ŭ Śniežnym (horad u Horłaŭskim rajonie Danieččyny). «Danieck dla mianie — druhaja radzima», — adznačyŭ dyryžor.
Babarykin kiravaŭ Prezidenckim arkiestram z 2002 hoda, z momantu jaho stvareńnia. U kastryčniku 2019 hoda jaho źniali z pasady.
Kamientary