Žonka Čarli Kirka publična prabačyła zabojcu jaje muža. Tramp ź joj nie pahadziŭsia
U ZŠA šyroka abmiarkoŭvajecca pramova Eryki Kirk, udavy kansiervatyŭnaha aktyvista Čarli Kirka, na pachavalnaj cyrymonii ŭ Hlendejle ŭ štacie Aryzona, piša Bild. Jana vyjšła na trybunu i zajaviła pra prabačeńnie čałavieka, jaki zabiŭ jaje muža, skazaŭšy: «Adkaz na nianaviść — nie nianaviść, adkaz — luboŭ. Zaŭsiody luboŭ».
Takoje prabačeńnie, pavodle słoŭ žančyny, adpaviadaje chryścijanskamu vučeńniu: jak Isus Chrystos prasiŭ prabačeńnia dla svaich mučycielaŭ na kryžy, tak i Eryka Kirk, hłybokaja viernica, pastaviłasia da zabojcy muža ź luboŭju i miłasernaściu.
«Za hetyja dziesiać dzion paśla zabojstva Čarli my nie ŭbačyli hvałtu. My nie ŭbačyli biesparadkaŭ. Revalucyi my nie bačyli. Zamiest hetaha my ŭbačyli toje, pra što moj muž zaŭsiody maliŭsia — adradžeńnie», — skazała jana.
Hetyja słovy vyklikali vialiki rezanans u kansiervatyŭnaj Amierycy. Prezident ZŠA Donald Tramp vykazaŭsia inakš: zamiest prahramy adzinstva i prymireńnia jon adkryta zajaviŭ, što nie padzialaje pasłańnie Eryki i što sam nie prabačaje svaich vorahaŭ, padkreśliŭšy adroźnieńnie siabie ŭ hetym ad Čarli i Eryki.
«Ja nienavidžu svaich vorahaŭ. Ja ich ciarpieć nie mahu», — skazaŭ jon u zału.
Amierykanskija ŚMI ŭchvalajuć Eryku i nazyvajuć jaje mahčymaj novaj palityčnaj fihuraj siarod kansiervataraŭ. Televiaščalnik MSNBC adznačyŭ, što jaje słovy — «mienavita toje, što Amieryka pavinna była pačuć».
Hazieta Washington Post, blizkaja da demakrataŭ, taksama źviarnuła ŭvahu na roźnicu pamiž «bieskampramisnaj palitykaj Trampa» i «ducham chryścijanskaj lubovi da bližniaha», ubačyŭšy ŭ Erycy Kirk novuju palityčnuju asobu.
Śmierć Čarli Kirka moža stać pavarotnym momantam dla relihijnych kansiervataraŭ. Arhanizacyja Čarli Kirka, Turning Point USA, jakoj ciapier kiruje Eryka, pieražyvaje rekordny rost: z dnia trahiedyi dziasiatki tysiač maładych ludziej dałučajucca da novych hrup, a ŭ arhanizacyju pastupajuć miljony dalaraŭ achviaravańniaŭ.
Tramp nazvaŭ zabitaha aktyvista Kirka «hihantam svajho pakaleńnia»
Prakuratura budzie patrabavać śmiarotnaha pakarańnia dla zabojcy Čarli Kirka. Novyja padrabiaznaści zatrymańnia
Udava Čarli Kirka emacyjna źviarnułasia da zabojcy svajho muža: Ty nie ŭjaŭlaješ, što ty raźviazaŭ
Nazvana imia zabojcy Čarli Kirka
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary
Toje ž tyčycca i zdaroŭja Trampa.
Bo kali što, krainaj buduć kiravać Vans i Ścivien Miler, možacie hasić śviatło i biehčy ŭ Aŭstraliju.