Jon u dva razy vyšejšy za Ejfielevu viežu.
U Kitai zaviaršyli vyprabavańni novaha rekordnaha zbudavańnia — mosta cieraz kańjon Chuadczian, piša vydańnie Bild.
Jahonaja vyšynia — 625 mietraŭ, daŭžynia — amal try kiłamietry. Pavodle kitajskich ŚMI, adkryćcio namiečana ŭžo na vierasień.
Kab dakazać nadziejnaść kanstrukcyi, inžyniery zahnali na most 96 hruzavikoŭ ahulnaj vahoj 3360 ton i piać dzion praviarali tryvałaść samych uraźlivych punktaŭ. Vynik — ni najmienšych adchileńniaŭ, most vytrymaŭ nahruzku biez prablem.
Budaŭnictva ciahnułasia ŭsiaho try z pałovaj hady, choć umovy byli ekstremalnyja: stromkija schiły, niestabilnyja hleby, štormy i vysokaja vilhotnaść. Kanstrukcyja abstalavanaja hnutkimi padviesami, jakija abaraniajuć jaje navat ad ziemlatrusaŭ.
Novy most złučyć rehijony Lučžy i Ańłun na paŭdniova-zachadzie Kitaja, istotna spraščajučy darohu praz hory. Ale heta nie tolki transpartny prajekt: tut źjaviacca ahladnaja placoŭka, šklany lift, kaviarnia i navat placoŭka dla bandžy-džampinhu.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary