Zasnavali žurnaliscka-pravaabarončuju premiju dla zubroŭ demakratyčnaha ruchu
Biełaruski PEN z pravaabarončym centram «Viasna», Biełaruskaj asacyjacyjaj žurnalistaŭ, Pres-kłubam Biełaruś i Fondam «Svabodnaja presa dla Uschodniaj Jeŭropy» abviaściŭ pra zasnavańnie novaj premii «Hołas pakaleńnia svabody».
Premija stvorana dla ŭšanavańnia žyćciovych dasiahnieńniaŭ i pravaabarončaj dziejnaści vydatnych biełaruskich litarataraŭ, pravaabaroncaŭ i žurnalistaŭ, jakija byli vymušany emihravać praź pieraśled paśla 2020 hoda.
Meta premii — vykazać hłybokuju pavahu i ŭdziačnaść za ŭniosak łaŭreataŭ/łaŭreatak u kulturu i hramadstva Biełarusi, a taksama adznačyć ich niaźmiennuju pazicyju pierad abliččam represij. Premija pryznačana dla dziejačaŭ/dziajačak, jakija paśla 2020 hoda byli vymušany źjechać ź Biełarusi ad palityčnaha ci hramadskaha pieraśledu i ciapier pražyvajuć u Polščy, Čechii abo Litvie.
Rašeńnie ab prysudžeńni premii budzie prymać admysłovaje žury, u skład jakoha ŭvachodziać asoby ad usich arhanizacyj-partnioraŭ: Śviatłana Aleksijevič (Biełaruski PEN), Andrej Bastuniec (BAŽ), Pavał Sapiełka («Viasna»), Nadzieja Biełachvościk (Pres-kłub Biełaruś), Maryja Sadoŭskaja-Kamłač («Svabodnaja presa dla Uschodniaj Jeŭropy»).
«My ŭśviedamlajem, što ludziej, jakija zasłuhoŭvajuć hetaj premii, značna bolš, čym mahčymaściaŭ u nas sioleta, i spadziajomsia, što ŭ budučyni ŭ nas budzie mahčymaść praciahnuć hetuju spravu. Taksama razumiejem, što asoby, hodnyja ŭhanaravańnia, znachodziacca i ŭnutry Biełarusi.
Našaja meta — nie raździalić na «tut» i «tam», a pasprabavać praz takuju premiju dać mahčymaść tym, chto musiŭ pakinuć Biełaruś, praciahnuć svaju tvorčuju, žurnalisckuju i/ci pravaabarončuju dziejnaść. Ja hłyboka pierakananaja, što siońnia ludzi, jakim daviałosia stać uciekačami i vyžyvać na čužynie, mohuć zrabić istotny ŭniosak u ahulnuju spravu, i spadziajusia, što premija, akramia naležnaha pryznańnia, daść im mahčymaść zabiaśpiečyć svajo isnavańnie chacia b na karotki pieryjad i zrealizavać litaraturny, žurnaliscki ci pravaabarončy prajekt», — skazała staršynia Biełaruskaha PENa Taćciana Niadbaj.
Kandydaty/kandydatki na atrymańnie premii musiać adpaviadać asnoŭnym kryteryjam:
- Mieć značnyja dasiahnieńni ŭ halinie litaratury, žurnalistyki abo abarony pravoŭ čałavieka ŭ Biełarusi.
- Nie paźniej jak u 2025 hodzie dasiahnuć 60-hadovaha ŭzrostu.
- Być vymušanymi emihrantami/emihrantkami ź Biełarusi paśla 2020 hoda ŭ suviazi ź pieraśledam i pražyvać u Polščy, Čechii abo Litvie.
- Aktyŭna ŭdzielničać u pabudovie niezaležnaj hramadzianskaj supolnaści.
- Vyłučacca hramadzianskaj advahaj, niepachisnaściu pryncypaŭ i prychilnaściu da demakratyčnych kaštoŭnaściaŭ i pravoŭ čałavieka.
Kandydaty/kandydatki abaviazany ŭ pieryjad z momantu infarmavańnia pra vyniki adboru i da 20 listapada 2025 hoda być dastupnymi dla ŭsich dziejańniaŭ, źviazanych z publikacyjaj zbornika «Hołas pakaleńnia svabody».
Umovy premii
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci47
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary