Vyjšaŭ navučalny dapamožnik «Pačatki Vialikaha Kniastva Litoŭskaha»
Vydańnie aŭtarstva viadomaha hrodzienskaha historyka Alaksandra Kraŭceviča maje ablehčyć pryhatavańnie lekcyj i zaniatkaŭ dla vykładčykaŭ VNU, a taksama samastojnaje vyvučeńnie prablemy hieniezisu Vialikaha Kniastva Litoŭskaha, piša telehram-kanał «De facto. Biełaruskaja navuka».
Artykuły, recenzii i dyskusii, źmieščanyja ŭ vydańni, detalizujuć važnyja aśpiekty prablemy i pakazvajuć źviazanyja ź joj supiarečnaści nie tolki navukovaha charaktaru. Dapamožnik stvorany na asnovie manahrafij Alaksandra Kraŭceviča «Stvareńnie Vialikaha Kniastva Litoŭskaha» i «Historyja Vialikaha Kniastva Litoŭskaha 1248—1377 h.».
Raniej navučalny dapamožnik «Pačatki Vialikaha Kniastva Litoŭskaha» źjaviŭsia ŭ siecivie ŭ elektronnym vyhladzie. Na jaho vokładcy — malunak-rekanstrukcyja Navahradka XIII-XIV stahodździaŭ aŭtarstva mastaka Paŭła Tatarnikava.
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam15
Kamientary