Na płatformie GoFundMe raźmieščany zvarot siastry mastaka Julijany, dzie jana paviedamlaje, što Makar Malinoŭski źnik bieź viestak u Tajłandzie kala hoda tamu. Siamja aścierahajecca, što jon moh trapić u adzin z ašukanskich centraŭ, piša «Salidarnaść».
Julijana Malinoŭskaja piša ŭ zvarocie:
«Talenavity mastak i muzykant, Makar — dobraja duša, jakaja pryśviaciła svajo žyćcio tamu, kab dapamahać inšym zdabyć svoj hołas. U pamiać pra našaha niabožčyka brata jon zasnavaŭ hukazapisvalny łejbł FOGLEB dla padtrymki tvorčych ludziej, jakija pieražyvajuć ciažkaści. Atrymaŭšy stypiendyi na navučańnie ŭ Italii i ZŠA, jon staŭ paśpiachovym mastakom.
Siastra paviedamlaje, što apošnim razam svajaki razmaŭlali z Makaram u siaredzinie listapada 2024 hoda:
«Amal hod naša siamja rabiła ŭsio mahčymaje ŭ Biełarusi i Polščy, źviartajučysia da ŭładaŭ Tajłanda, niaŭradavych arhanizacyj i pasolstvaŭ, ale biespaśpiachova. Nam udałosia naniać pryvatnaha detektyva ŭ Tajłandzie, ale, na žal, pošuki nie pryviali ni da znachodžańnia Makara, ni da jakoj-niebudź paćvierdžanaj infarmacyi pra jaho miescaznachodžańnie.
Ciapier my ŭsio bolš aścierahajemsia, što jon moh trapić u adzin z ašukanskich centraŭ, jakija dziejničajuć u rehijonie. Makar u toj čas šukaŭ pracu i byŭ va ŭraźlivym stanoviščy, što mahło zrabić jaho lohkaj zdabyčaj dla ekspłuatacyi».
Na płatformie GoFundMe idzie zbor srodkaŭ, kab naniać jašče adnaho pryvatnaha detektyva dla pracy nad novymi začepkami pa pošuku biełarusa.
«Znoŭ pryzvyčajvajusia da žyćcia ŭ Biełarusi». Historyi ludziej, jakija źjechali vučycca za miažu i viarnulisia
U Bierlinie zabili «kalinoŭca» Hleba Malinoŭskaha
Biełaruska, vyzvalenaja sa skam-centra ŭ Mjanmie: Navat kali źbiažyš, nieviadoma, kamu zvanić, tam usio karumpavana
«Praź lasy i abychodnymi šlachami, nibyta ŭ rabstva». Siabroŭka zahinułaj u Mjanmie Viery pakazała pra apošniaje paviedamleńnie ad jaje
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary