Milicyja raspracavała svoj mabilny dadatak dla pryjomu paviedamleńniaŭ ad hramadzian
Raspracoŭka abiacaje nie tolki chutkuju suviaź, ale i takija funkcyi, jak adsočvańnie hieałakacyi i «tryvožnaja knopka» dla ekstrannych vypadkaŭ.
Novy mabilny dadatak budzie vykonvać dźvie asnoŭnyja funkcyi: infarmacyjnuju i kamunikacyjnuju. Jak raskazaŭ načalnik upraŭleńnia apieratyŭna-dziažurnaj słužby MUS Biełarusi Juryj Kuleš u intervju vydańniu «Na stražie», karystalniki zmohuć nie tolki atrymlivać važnyja źviestki ab pracy orhanaŭ unutranych spraŭ, ale i nakiroŭvać paviedamleńni ab złačynstvach ci pravaparušeńniach.
Adnoj z najvažniejšych funkcyj stanie virtualnaja «tryvožnaja knopka». U ekstrannaj situacyi dastatkova budzie nacisnuć na jaje, kab pryciahnuć uvahu milicyi. Kali na mabilnaj pryładzie ŭklučana GPS-navihacyja, prahrama aŭtamatyčna vyznačyć dakładnaje miescaznachodžańnie čałavieka. Heta asabliva karysna dla tych, chto zabłukaŭ u lesie abo trapiŭ u DTZ u nieznajomaj miascovaści i nie moža zaryjentavacca.
Akramia taho, karystalniki zmohuć dapaŭniać svaje tekstavyja paviedamleńni fota– i videamateryjałami, a taksama hałasavymi fajłami, što dazvolić bolš poŭna i dakładna pieradać infarmacyju ab zdareńni.
Pa słovach Kuleša, dadatkam zmohuć karystacca i ludzi z abmiežavanymi mahčymaściami. U pieršuju čarhu heta novaŭviadzieńnie dapamoža invalidam pa słychu, jakim składana źviazacca z apierataram słužby 102 praz zvyčajny telefonny zvanok.
Na hety momant prajekt znachodzicca na stadyi teściravańnia i dapracoŭki. Dla vykarystańnia dadatku spatrebicca rehistracyja z paznačeńniem piersanalnych danych, što nieabchodna dla identyfikacyi zajaŭnika.
Pa słovach milicejskaha načalnika, novy mabilny dadatak stanie častkaj adzinaha intehravanaha resursu, jaki pavinien aŭtamatyzavać praces rehistracyi zvarotaŭ i paviedamleńniaŭ u milicyju.
Siłaviki spadziajucca, što paśla poŭnaha zapusku novy mabilny dadatak značna pavysić jakaść ich pracy i chutkaść reahavańnia milicyi, a taksama dapamoža źnizić papiarovuju biurakratyju. Ź inšaha boku, i danieści na «niadobranadziejnaha» susieda stanie značna praściej.
Čas pakaža, ci zachočuć biełarusy ŭstanavić sabie na telefon mabilny dadatak, jaki, choć i maje karysnyja funkcyi, moža stać jašče adnym instrumientam tatalnaha kantrolu.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m63
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary
-zrabić chutkaje pryznańnie viny
-zdać siabra
-branirvańnie numara na akreścina z vybaram azdaraŭlenčaj prahrammy
Pampuju!
Dla nas jany nie milicyja, a łukašysty, pasobniki režymu.
I kali ŭ prahramy jość dazvoł na atrymańnie GPS-kaardynat, to jana moža skarystacca im i nie tolki, kali čałaviek ciśnie "tryvožnuju knopku". Adsočvać čałavieka tak praściej i dakładniej, pa paraŭnańniu ź infarmacyjaj z mabilnych vyšak.
A jašče možna ŭklučyć mikrafon, pałazić pa fajłach na telefonie, daviedacca pra IP, kali ŭklučany VPN i h.d.
Pakul hetyja ludzi nie majuć sumleńnia, spadziavacca na jaho nierazumna. I pakul u apieracyjnych sistemach telefonaŭ nie chapaje biaśpieki i bolš poŭnaj izalacyi prahram.