Z novaha navučalnaha hoda dla biełaruskich školnikaŭ uvodziacca niekalki novych pradmietaŭ i fakultatyvaŭ, paviedamlaje telekanał ANT.
U 10-11 kłasach budzie vykładacca novy kurs «Historyja Biełarusi ŭ kantekście suśvietnaj historyi», jaki, jak ličycca, dapamoža vučniam lepš zrazumieć suśvietnyja padziei i raźvić krytyčnaje myśleńnie.
Dla vučniaŭ 8-9 kłasaŭ adkryvajecca fakultatyŭ «Asnovy kiravańnia kvadrakoptaram». Na im školnikaŭ buduć vučyć kiravać bieśpiłotnikami, u tym liku z dapamohaj simulataraŭ, što, jak miarkujecca, paspryjaje papularyzacyi inžyniernych prafiesij.
Fakultatyŭ «Śviet sielskaj haspadarki» dla 7-9 kłasaŭ zadumany dla taho, kab vučniaŭ lepš razabracca ŭ asnoŭnych halinach sielskaj haspadarki i vytvorčaści praduktaŭ charčavańnia.
Dla staršakłaśnikaŭ (10-11 kłasy) u ramkach pradmieta «Pracaŭładkavańnie» źjavicca mahčymaść navučacca zapatrabavanym rabočym śpiecyjalnaściam — mular, apieratar AZS, piačnik, tynkoŭščyk, kuchar, aŭtamabilny ślesar, traktaryst. Paśla kursa vučni zmohuć atrymać kvalifikacyjny razrad.
Akramia taho, z 2026 hoda ŭsie dziesiacikłaśniki zmohuć udzielničać u vučebna-palavych zborach, jakija raniej pravodzili tolki dla kadetaŭ i suvoraŭcaŭ. Hetyja zbory zapłanavanyja na pieryjad z 26 maja pa 5 červienia.
Kamientary