З новага навучальнага года для беларускіх школьнікаў уводзяцца некалькі новых прадметаў і факультатываў, паведамляе тэлеканал АНТ.
У 10-11 класах будзе выкладацца новы курс «Гісторыя Беларусі ў кантэксце сусветнай гісторыі», які, як лічыцца, дапаможа вучням лепш зразумець сусветныя падзеі і развіць крытычнае мысленне.
Для вучняў 8-9 класаў адкрываецца факультатыў «Асновы кіравання квадракоптарам». На ім школьнікаў будуць вучыць кіраваць беспілотнікамі, у тым ліку з дапамогай сімулятараў, што, як мяркуецца, паспрыяе папулярызацыі інжынерных прафесій.
Факультатыў «Свет сельскай гаспадаркі» для 7-9 класаў задуманы для таго, каб вучняў лепш разабрацца ў асноўных галінах сельскай гаспадаркі і вытворчасці прадуктаў харчавання.
Для старшакласнікаў (10-11 класы) у рамках прадмета «Працаўладкаванне» з’явіцца магчымасць навучацца запатрабаваным рабочым спецыяльнасцям — муляр, аператар АЗС, пячнік, тынкоўшчык, кухар, аўтамабільны слесар, трактарыст. Пасля курса вучні змогуць атрымаць кваліфікацыйны разрад.
Акрамя таго, з 2026 года ўсе дзесяцікласнікі змогуць удзельнічаць у вучэбна-палявых зборах, якія раней праводзілі толькі для кадэтаў і сувораўцаў. Гэтыя зборы запланаваныя на перыяд з 26 мая па 5 чэрвеня.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары