Tajłand i Kambodža abmianialisia ŭdarami na sprečnym učastku dziaržaŭnaj miažy
U noč na 24 lipienia na miažy pamiž Tajłandam i Kambodžaj adbyłosia ŭzbrojenaje sutyknieńnie. Abodva baki abvinavačvajuć adzin adnaho ŭ pačatku ahresii, piša Bi-bi-si.
Tajłand paviedamlaje pra 11 zahinułych mirnych žycharoŭ, siarod jakich — padletak i vaśmihadovaje dzicia, a taksama pra hibiel adnaho vajskoŭca. Pavodle słoŭ miascovych uładaŭ, kambadžyjskaja armija abstralała cyvilnyja abjekty, u tym liku balnicy.
Sutyknieńnie adbyłosia kala staražytnaha chrama Ta Maan Tchom, jaki znachodzicca na sprečnaj terytoryi. Bajavyja dziejańni praciahvajucca prynamsi ŭ šaści miescach uzdoŭž miažy.
Ułady Tajłanda pačali evakuacyju žycharoŭ z čatyroch pamiežnych pravincyj: Suryn, Buryram, Sisakiet i Ubanratčatchani. Taksama była abvieščanaja poŭnaja błakiroŭka miažy z Kambodžaj, a hramadzian Tajłanda zaklikali pakinuć hetu krainu.
Kambodža śćviardžaje, što jaje sałdaty dziejničali ŭ režymie samaabarony i tolki adkazali na ahoń. Premjer-ministr krainy Chun Maniet zajaviŭ, što ŭłady byli vymušany ŭžyć siłu ŭ adkaz na ahresiju.
Kambodža abvinavaciła Tajłand u vykarystańni ciažkoj zbroi i naniasieńni avijaŭdaru pa jaje terytoryi. Zhodna ź ich danymi, bomby trapili nie tolki ŭ vajskovyja abjekty, ale i ŭ darohu. Tajłand paćvierdziŭ, što vykarystaŭ šeść źniščalnikaŭ F-16 dla ataki na vajskovyja celi.
Kanflikt uzmacniŭsia paśla taho, jak Tajłand abvinavaciŭ Kambodžu va ustanoŭcy min, adna ź jakich vybuchnuła pad tajskim vajskoŭcam. U adkaz Taiłand adklikaŭ svajho pasła z Pnampienia.
Napružańnie pamiž krainami narastała apošnija miesiacy. Kambodža ŭviała zabaronu na impart tajskich praduktaŭ i filmaŭ, a šmatlikija punkty propusku na miažy byli zakrytyja.
Hetaje supraćstajańnie ciahniecca ŭžo bolš za stahodździe — abiedźvie krainy spračajucca za terytoryi vakoł chramavych kompleksaŭ Preachvichiea i Ta Maan Tchom. Niahledziačy na rašeńnie Mižnarodnaha suda AAN u 1962 hodzie na karyść Kambodžy, kanflikty ŭ hetym rehijonie praciahvajucca.
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka11
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi66
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi6
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary