«Dostup da rynku pieratvarajecca ŭ zbroju». Si farmiruje novy azijacki aljans suprać ZŠA
U miežach svajoj novaj handlovaj palityki Donald Tramp uvioŭ taryfy ŭ pamiery 49% dla Kambodžy, 46% dla Vjetnama i 145% dla Kitaja. Na hetym tydni lidar Kitaja Si Czińpin naviedaŭ krainy Azii, kab abmierkavać z susiedziami mytny kanflikt z ZŠA, piša Bild.
Tak, padčas vizitu ŭ Małajziju, jakaja abyšłasia taryfami ŭ 24%, Si paabiacaŭ pašyryć handlovyja adnosiny i palepšyć dostup da kitajskich rynkaŭ. Jon padkreśliŭ nieabchodnaść stvareńnia novych aljansaŭ u adkaz na pavodziny ZŠA.
«Sutyknuŭšysia z uzrušeńniami suśvietnaha paradku i ekanamičnaj hłabalizacyi, Kitaj i Małajzija buduć vystupać razam z krainami rehijona. Razam my zachavajem śvietłuju budučyniu našaj azijackaj siamji», — skazaŭ Si.
Premjer-ministr Małajzii Anvar Ibrahim taksama vykazaŭ krytyku ŭ adras ZŠA z nahody kitajskaha vizitu.
«Toje, što my nazirajem siońnia, — heta adkat da ekanamičnaha trajbalizmu. Dostup da rynku pieraŭtvarajecca ŭ zbroju. U hetyja składanyja časy śviet prahnie paśladoŭnaści, nadziejnaści i ahulnaj mety. My bačym heta ŭ pavodzinach Kitaja», — skazaŭ Ibrahim.
U pačatku tydnia Si ŭžo zrabiŭ prypynak u stalicy Vjetnama Chanoi. Tam jon padpisaŭ dziasiatki novych handlovych damovaŭ z Vjetnamam, u tym liku ŭ śfierach štučnaha intelektu, 5G i handlu sielskahaspadarčaj pradukcyjaj. Taksama baki abviaścili pra sumiesny prajekt budaŭnictva čyhunki, jakaja złučyć krainy. Nastupnym punktam vizitu Si Czińpina stanie Kambodža.
ZŠA zastajucca važnym handlovym partnioram dla krain Paŭdniova-Uschodniaj Azii, takich jak Vjetnam, Małajzija i Kambodža. Z-za hetaj zaležnaści hetyja krainy zaŭsiody staralisia nie zajmać čyj-niebudź bok u kanflikcie pamiž ZŠA i Kitajem. Adnak novyja damoŭlenaści z Kitajem mohuć śviedčyć pra bolš ciesnyja adnosiny ź Piekinam u budučyni.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary