Dobrušski farforavy zavod — samy vialiki na prastorach byłoha SSSR i adziny ŭ Biełarusi. Štohod tut vypuskajuć bolš za 20 miljonaŭ kubkaŭ, talerak, suvieniraŭ, častka ź jakich raśpisvajecca ŭručnuju mastakami. Apošnich — usiaho čaćviora, raskazvaje «Narodnaja hazieta».
Śviatłana Hładčanka za źmienu ŭručnuju raśpisvaje pa 25 kubkaŭ i spodačkaŭ. Jana pracuje tut 37 hadoŭ. U 1989 hodzie pajšła vučycca na mastaka, prajšoŭšy dosyć strohi konkurs.
«U siamji malavaŭ tolki tata, dy i to dla dušy. Z farforam naohuł nichto sa svajakoŭ nikoli nie pracavaŭ. Adna ja takaja, choć nie adčuvaju siabie asablivaj. Zaŭsiody cikava stvarać unikalnyja pracy, ekskluziŭnyja zakazy. Pamiataju, jak raśpisvali vazy dla padarunkaŭ vysokapastaŭlenym asobam. Vielmi šmat ručnoha rośpisu da hetaha času zakazvajuć u Čechii».
Śviatłana raskazvaje, što z 1990-ch pajšła moda na minimalizm u rośpisie, ale ciapier znoŭ viartajecca šyrokamazkovy žyvapis.
Pendźliki dla mastakoŭ robiać vyklučna z vaviorčynych chvastoŭ. Asabliva tonkija linii pazałoty nanosiać śpiecyjalnym piarom.
Farby dla farforu asablivyja. Da prykładu, kobaltavyja abpalvajucca čatyry razy i tolki zatym zichaciać zołatam. Samaha kaštoŭnaha mietału ŭ farbie ŭsiaho kala 9%, da adpraŭki ŭ pieč jon vyhladaje chutčej karyčnievym. Abpał mianiaje adcieńnie i inšych farbaŭ.
Kab pieranieści malunak na posud, vykarystoŭvajuć kalku. Plonačka prykładvajecca da malunka, nahravajecca fienam, na jaje pieranosicca malunak z uzoru, a potym abkołvajecca nievialikaj ihołkaj na pałačcy. Hatovaja kalka prykładvajecca da kubka i pryciarušvajecca vuhalem ź miašočka. Pa hetym vuhalnym kontury i aryjentujecca majstrycha.
U 1970-ch u SSSR pracavali 54 takija zavody. Ciapier vialikija vytvorčaści zachavalisia tolki ŭ Dobrušy i rasijskim Dulovie.
Na zavodzie ŭ Dobrušy zadumvajucca ab papularyzacyi redkaj prafiesii i ŭžo sioleta arhanizujuć pieršyja majstar-kłasy pad kiraŭnictvam mastakoŭ.
Ciapier čytajuć
70-hadovuju žančynu z Homiela pasadzili za kamientary. Heta samaja pažyłaja palitźniavolenaja14
Kamientary
Pastupova, usio ž, staronka pierahortvajecca i pryncypy z kaštoŭnaściami sychodziać na niejki druhi ci treci płan.
Dzieści 15 hod tamu sutyknułsia Voś kryštal z Huś chrustalnaha na padstaŭkie..lepšy
Tak mabyć padstaŭka adtul ale jeść sumnieńnie A voś kryštal ź Biełarusi Nieman Vy nalepki b źniali ))) prykłali ruki