Budynak muzieja «Dom Kazimira Svajaka» ŭ vioscy Barani Astravieckaha rajona čakaje biahučy ramont. Heta muziej paeta, jaki papularyzavaŭ biełaruskuju movu ŭ pačatku XX stahodździa, piša hrodna.life.
U muziei adramantujuć dach — z-za tresnutaha šyfiera haryšča zalivaje daždžom. Taksama adramantujuć hanak. Na ramont i techničny nahlad płanujuć vydatkavać 11 838 rubloŭ. Raboty zavieršać u lipieni.
«Dom Kazimira Svajaka» adkryli ŭ domie Stapovičaŭ u 2010 hodzie jak filijał Astravieckaha historyka-etnahrafičnaha muzieja. U muziej pradstaŭleny pobyt sialan k. XIX — N. XX st. i žyły pakoj časoŭ siamji Stapovičaŭ ź ich asabistymi rečami.
Kazimir Svajak (Kanstancin Stapovič) — biełaruski katalicki śviatar, hramadski dziejač, paet. Jon staŭ znakavaj fihuraj biełaruskaj kultury i nacyjanalnaha ruchu. Papularyzavaŭ vykarystańnie biełaruskaj movy ŭ katalickaj carkvie. Pakutavaŭ ad tubierkulozu. Pamior u 36 hadoŭ u Vilni — pachavany na mohiłkach Rosy.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary