Будынак музея «Дом Казіміра Сваяка» ў вёсцы Барані Астравецкага раёна чакае бягучы рамонт. Гэта музей паэта, які папулярызаваў беларускую мову ў пачатку ХХ стагоддзя, піша hrodna.life.
У музеі адрамантуюць дах — з-за трэснутага шыфера гарышча залівае дажджом. Таксама адрамантуюць ганак. На рамонт і тэхнічны нагляд плануюць выдаткаваць 11 838 рублёў. Работы завершаць у ліпені.
«Дом Казіміра Сваяка» адкрылі ў доме Стаповічаў у 2010 годзе як філіял Астравецкага гісторыка-этнаграфічнага музея. У музей прадстаўлены побыт сялян к. ХІХ — Н. ХХ ст. і жылы пакой часоў сям’і Стаповічаў з іх асабістымі рэчамі.
Казімір Сваяк (Канстанцін Стаповіч) — беларускі каталіцкі святар, грамадскі дзеяч, паэт. Ён стаў знакавай фігурай беларускай культуры і нацыянальнага руху. Папулярызаваў выкарыстанне беларускай мовы ў каталіцкай царкве. Пакутаваў ад туберкулёзу. Памёр у 36 гадоў у Вільні — пахаваны на могілках Росы.
Каментары