Biełaruś zastajecca adzinaj krainaj susiedkaj Polščy, jakaja jašče nie abviaściła u krainie žałoby paśla avijakatastrofy pad Smalenskam.
Na dumku staršyni pastajannaj kamisii zamiežnych spravaŭ i suviaziach z SND Siarhieja Maskieviča, heta vyklikana tym, što ŭ Biełarusi zaraz hetak zvanyja doŭhija vychodnyja, zaŭtra Radaŭnica i ŭsie ustanovy ŭklučna z Administracyjaj prezydenta nie pracujuć. Sam Siarhiej Maskievič adznačaje, što z boku biełaruskaha parłamienta i paasobnych deputataŭ byli nakiravanyja ŭ Polšču słovy padtrymki.
«Adrazu naš śpikier nakiravaŭ svaje spačuvańni śpikieru parłamienta i sienata. Akramia taho, moj kaleha ŭ Minsku naviedaŭ pasolstva, vykazaŭ spačuvańni ad imia dvuch staršyń kamisij savieta respubliki i ad mianie. Ja naviedaŭ kansulat u Hrodnie i taksama vykazaŭ svaje spačuvańni.
Adnosna Dnia žałoby tut ja nie mahu skazać, tut śfiera prezidenta, ale ja liču, što heta było b vielmi dobra. Prezident prymaje hetyja rašeńni.Viedaju, što akramia taho, što jon vykazaŭ svaje spačuvańni, daŭ daručeńni, kab stvaryli ŭsie ŭmovy bieźvizavaha prajezdu praz terytoryju Biełarusi», — zaznačyŭ S.Maskievič.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja103
Kamientary