Druhi Zachodni akružny vajskovy sud u Rasii zavočna prysudziŭ viadomaha piśmieńnika Barysa Akunina (sapraŭdnaje imia — Hryhoryj Čcharcišvili) da 14 hadoŭ pazbaŭleńnia voli. Jaho pryznali vinavatym u «apraŭdańni teraryzmu», «sadziejničańni terarystyčnaj dziejnaści» i ŭchileńni ad vykanańnia abaviazkaŭ «zamiežnaha ahienta».
Akramia taho, Barysu Akuninu zabaroniena na 4 hady vieści internet-resursy, a taksama pryznačany štraf u 400 tysiač rasijskich rubloŭ.
Śledčy kamitet śćviardžaje, što Akunin nibyta zaklikaŭ da hvałtoŭnaj źmieny ŭłady ŭ Rasii i apraŭdvaŭ dziejańni Ukrainy, jakuju rasijskija ŭłady ličać «terarystyčnaj dziaržavaj». Taksama adznačajecca, što ŭ 2024 hodzie jaho dvojčy pryciahvali da adkaznaści za parušeńnie zakonaŭ ab «zamiežnych ahientach».
Akunin ź ironijaj adreahavaŭ na prysud, zajaviŭšy, što «nastupny post napiša ŭ 2043 hodzie — kali jamu budzie 87». Jon taksama padkreśliŭ, što nie pryznaje rasijski sud i nie ŭdzielničaje ŭ hetym pracesie.
Piśmieńnik pakinuŭ Rasiju ŭ 2014 hodzie paśla aneksii Krymu i ciapier žyvie ŭ Vialikabrytanii. Z pačatku poŭnamaštabnaj vajny ŭ 2022 hodzie adkryta asudžaje dziejańni rasijskich uładaŭ i padtrymlivaje Ukrainu.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks20
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1414
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki14
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary