U vydaviectva, jakoje drukavała knihi Akunina, prajšli ź pieratrusam
Śledčyja pryjšli ŭ vydaviectva «Zacharaŭ», jakoje vypuskała knihi Barysa Akunina. Učora suprać piśmieńnika zaviali spravy ab dyskredytacyi armii i apraŭdańni teraryzmu.
Supracoŭniki Śledčaha kamiteta Rasii pryjšli ź pieratrusam u vydaviectva «Zacharaŭ», jakoje publikuje knihi Barysa Akunina, jakoha napiaredadni ŭnieśli ŭ rejestr terarystaŭ i ekstremistaŭ.
«Pryjšli sa Śledčaha kamiteta ź pieratrusam. Pakul ničoha nie zrazumieła», — paćvierdziŭ RBK supracoŭnik vydaviectva.
Vydaviectva «Zacharaŭ» zasnavali ŭ 1998 hodzie. Jano było pieršym vydaŭcom Barysa Akunina, tam vychodzili asnoŭnyja knihi z cykła detektyvaŭ pra Erasta Fandoryna.
SK 18 śniežnia paviedamiŭ, što suprać Akunina zaviali kryminalnuju spravu pavodle dvuch artykułaŭ:
- apraŭdańnie teraryzmu (art.205.2 KK)
- i publičnaje raspaŭsiudžvańnie fejkaŭ ab rasiejskim vojsku (art. 207.3 KK). Raśfinmanitorynh unios jaho ŭ pieralik terarystaŭ i ekstremistaŭ.
Akunin, kamientujučy rašeńnie finansavaj raźviedki, adznačyŭ, što «piśmieńnikaŭ nie abvinavačvali ŭ teraryźmie z časoŭ Vialikaha teroru; heta nie kiepski son, heta adbyvajecca z Rasijaj najavie, nasamreč».
Na minułym tydni vydaviectva AST abviaściła pra prypynieńnie raspaŭsiudžvańnia knih Akunina, a taksama Dźmitryja Bykava.
Prodaž knih piśmieńnikaŭ taksama časova spynili ŭ sietcy kram «Čytaj-horad» i kramie elektronnych knih «Litres», jakija kantralujucca kiraŭnikom AST Aleham Novikavym. Letaś niekalki teatraŭ prybrali imia piśmieńnika z afiš.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary