Dyrektar prydumaŭ anłajn-kazino prosta ŭ ofisie. Tranślacyja viałasia za miažu
Ekanamičny sud Homielskaj vobłaści vynies rašeńnie pa spravie 44-hadovaha mužčyny, jaki niezakonna arhanizavaŭ kartačnyja hulni.
Z 2021 pa 2024 hod jon byŭ dyrektaram kampanii ŭ Homieli, jakaja pravodziła azartnyja hulni ŭ karty ŭ anłajn-režymie. U ofisie stajali try hulniavyja stały, za jakimi pracavali supracoŭniki.
Jany raskładali karty pierad kamierami i viali praces hulni, a videa tranślavałasia za miažu. Pry hetym sami hulcy ŭ pamiaškańni nie prysutničali.
Pavodle zakona dla takoj dziejnaści patrebna śpiecyjalnaja licenzija. Ale kampanija jaje nie atrymlivała i stały aficyjna nie rehistravała. U vyniku firma pracavała sa stratami i paźniej była pryznana bankrutam.
Na sudzie dyrektar pryznaŭ svaju vinu. Jon patłumačyŭ, što ličyŭ, što kartnyja hulni ŭ takim farmacie nie patrabujuć licenzii.
Sud uličyŭ źmiakčalnyja abstaviny — na ŭtrymańni mužčyny znachodzicca małaletniaje dzicia ź invalidnaściu — i pryznačyŭ štraf 420 rubloŭ.
Rašeńnie suda ŭžo ŭstupiła ŭ siłu i nie abskardžvałasia.
Ciapier čytajuć
Vajar ź Biełaruskaha dobraachvotnickaha korpusa: Ja žyŭ u ružovaj burbałcy2
Kamientary