U Biełkaapsajuzie raskazali, jak zakuplajuć bulbu ad nasielnictva
9 lipienia na pres-kanfierencyi staršynia praŭleńnia Biełkaapsajuza Inesa Karatkievič nazvała zakupačnyja ceny, pa jakich arhanizacyi sistemy zakuplajuć u nasielnictva aharodninnuju pradukcyju. Jana adznačyła, što ceny ŭstalavanyja tak, kab nie pieravyšać maksimalna dapuščalnyja handlovyja nadbaŭki.
Zakupačnyja ceny na aharodninu ciapier nastupnyja:
- bulba — ad 1,8 da 2,8 rubla;
- kapusta biełakačannaja — 1,5 rubla;
- buraki — 2,7 rubla;
- morkva — ad 2,5 da 3,5 rubla;
- cybula — ad 1,5 da 2,5 rubla.
Kančatkovaja cana zaležyć ad pamieru, sortu i vyhladu pradukcyi.
Dla paraŭnańnia: u dastaŭcy bujnych biełaruskich handlovych sietak śviežuju rańniuju bulbu možna kupić pa canie ad 3,49 rubla, a košt maładoj azierbajdžanskaj bulby krychu nižejšy — ad 3,01 rubla.
Pavodle słoŭ Inesy Karatkievič, sioleta narychtoŭka bulby idzie značna bolš aktyŭna, čym u minułym hodzie — na 40% bolš, čym za toj ža pieryjad letaś. Usiaho płanujecca narychtavać nie mienš za 13 tysiač ton. Dla hetaha Biełkaapsajuz vykarystoŭvaje ŭłasnyja schoviščy.
Taksama kiraŭnica Biełkaapsajuza prakamientavała situacyju z deficytam jakasnaj bulby, jakaja nazirałasia ŭ mižsiezońnie. Karatkievič zapeŭniła, što navat u mai-červieni ŭ viaskovych kramach rajpo bulba nibyta była.
Bolš za toje, nibyta byli vypadki, kali bulbu zakuplali vialikimi abjomami, kab potym pradavać na rynku pa bolš vysokaj canie — tam, dzie kantrol nad roźničnaj canoj byŭ słabiejšy.
Pucin prapanavaŭ mianiać biełaruskuju bulbu na «ščaślivy sirop»
U kramach buduć pradavać bulbu «Umka»
Łukašenku tryvožyć situacyja z cenami pa ŭsim JEAES
Deputaty terminova adobryli štrafy za adsutnaść bulby ŭ kramach
Za adsutnaść bulby prapanujuć štrafavać da 8 400 rubloŭ
U Słonimie pačali kłaści ŭ kaŭbasu razam ź miasam bulbu
Łukašenka raskazaŭ, što karova pavinna stajać u pałacy i kožnamu nieabchodna «choć pa dźvie barazionki» bulby pasadzić
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Kamientary