Hramadstva3636

Ivan Kraŭcoŭ: Zajavy Cichanoŭskaj vyhladajuć kryvadušnymi

Sakratar Kaardynacyjnaj rady i adzin z kiraŭnikoŭ štaba Viktara Babaryki Ivan Kraŭcoŭ «Biełsatu» patłumačyŭ svaju pazicyju z krytykaj u bok Śviatłany Cichanoŭskaj.

Fota: Biełsat

U svaim akaŭncie na Facebook Ivan Kraŭcoŭ adreahavaŭ na słovy Śviatłany Cichanoŭskaj vydańniu «Politico». Jon pryvioŭ cytatu, u jakoj biełaruskaja demakratyčnaja lidarka skazała, što nielha narmalizavać situacyiju «kali ludziej adpuskajuć za niejkija sastupki z vašaha boku [z boku Zachadu], źmiakčeńnie sankcyjaŭ abo publičnaść». Cichanoŭskaja zajaviła, što «Łukašenku treba pakarać, a nie ŭznaharodzić», što asabliva aburyła Ivana Kraŭcova.

U svaim paście Kraŭcoŭ napisaŭ: «Muža vypuścili, astatnija niachaj pasiadziać!».

Zatym jon patłumačyŭ «Biełsatu» svaju pazicyju tym, što, na jahony pohlad, takija zajavy Cichanoŭskaj vyhladajuć absalutna kryvadušnymi. Bo, z adnaho boku, Ofis Śviatłany Cichanoŭskaj kaža, što prosić ZŠA sadziejničać vyzvaleńniu palitviaźniaŭ i nibyta sam udzielničaje ŭ hetym pracesie, sustrakajecca z pamočnikam dziaržsakratara Krystafieram Śmitam. A z druhoha — vystupaje z zajavami, što, maŭlaŭ, vizit Kita Kiełaha byŭ daremny i što nielha narmalizoŭvać vyzvaleńnie ludziej praz takija vizity i kantakty. 

«Dla mianie heta dziŭna. U ludziej ža, zdajecca, jość dośvied: blizkaha čałavieka vyzvalili, jość razumieńnie, što pracuje adnačasova i cisk, i pieramovy. Pra heta šmat chto ŭ demakratyčnym ruchu kaža — Pavieł Łatuška pra heta havoryć, što patrebna kambinavać stratehiju pieramovaŭ i cisku. Ale ludzi nie razumiejuć, jany vychodziać i čamuści praciahvajuć rabić dziŭnyja zajavy, jakija navat nie adpaviadajuć tamu, što kaža Siarhiej Cichanoŭski, jaki bačyŭ hetyja žachi tam i tolki što vyjšaŭ adtul [z turmy]. Jon dakładna skazaŭ, što hałoŭnaja meta — vyratavać ludziej, dastać ich adtul, z turmaŭ, z zakładnikaŭ», — kaža Ivan Kraŭcoŭ. 

Jon dadaje, što paśla ŭsiaho hetaha Śviatłana Cichanoŭskaja, a chutčej za ŭsio jejnyja daradcy, «jakija pišuć dla jaje hetyja kamientary», razumiejučy ŭsiu adkaznaść i dalikatnaść dypłamatyčnych pracesaŭ, usio roŭna praciahvajuć rabić takija biezadkaznyja zajavy.

«Heta vysnova, jakuju ja rablu, što Śviatłana Cichanoŭskaja, Franak Viačorka viedajuć pra dypłamatyčnyja namahańni Złučanych Štataŭ, jany na sustrečach kažuć, što «my padtrymlivajem i za». U vyniku hetych namahańniaŭ vychodzić muž Śviatłany Cichanoŭskaj, nie prosta niechta, a blizki čałaviek, za jakoha jana zmahałasia piać hadoŭ. I praz tydzień čałaviek vychodzić, i [jany kažuć] nie, nielha rabić navat publičnyja sustrečy i mianiać na palitviaźniaŭ, tamu što heta niebiaśpiečnaja praktyka. Nu ja rablu vysnovu, što ŭ čałavieka sapraŭdy niama empatyi da inšych, što čałaviek ličyć, što nie treba vykarystoŭvać hetyja instrumienty, navat atrymaŭšy taki, zdavałasia b, važny dla siabie dośvied, ubačyŭšy, što heta pracuje, što kambinacyja cisku i pieramovaŭ pracuje. Heta maja vysnova, jakuju ja zrabiŭ, i ja jaje napisaŭ», — zaŭvažaje Kraŭcoŭ.

Ivan Kraŭcoŭ adznačyŭ, što i ŭ Kaardynacyjnaj radzie, sakratarom jakoj jon źjaŭlajecca, da niadaŭniaha času nie było poŭnaha adzinstva nakont taho, jak vyzvalać palitviaźniaŭ. Častka ŭdzielnikaŭ zajmałasia pieramoŭnym kirunkam — siarod ich Taćciana Chomič, jakaja razam z Volhaj Harbunovaj i Valeryjem Kavaleŭskim istotna prasoŭvała hety praces. Mienavita dziakujučy im i pravaabaroncam byŭ sfarmiravany pieramoŭny trek. Inšyja zajmalisia ciskam na režym, choć efiektyŭnaść hetaha, sa słovaŭ Ivana Kraŭcova, składana acanić. Pavodle surazmoŭcy «Biełsatu», zaraz najbolš zbałansavanaja pazicyja — taja, jakuju vykazvaje, naprykład, Pavieł Łatuška: nieabchodna spałučać dypłamatyju i cisk.

U toj ža čas na zaŭvahu viadoŭcaŭ «Studyi» ab tym, ci nielha było b vypracoŭvać supolnuju pazicyju ŭnutry demakratyčnaj supolnaści i nie svarycca pry hetym adno z adnym, Ivan Kraŭcoŭ adznačyŭ, što «svarka» — heta prajava publičnaj palityki. 

«Jana [publičnaja palityka] praduhledžvaje vykazvańnie roznych pazicyj. Heta nienarmalnaja situacyja, kali ŭsie plaskajuć u dałoni i ŭ adzinym paryvie nikoha nie krytykujuć. Adsutnaść krytyki — heta prykmieta kryzisu. Tamu toje, što zaraz krytyka źjaŭlajecca, — heta jakraz prykmieta taho, što ŭ situacyi źjaŭlajecca dynamika. Narešcie adbyvajucca niejkija kankretnyja źmieny», — adznačyŭ Ivan Kraŭcoŭ. 

Nahadajem, 6 lipienia Siarhiej Cichanoŭski raspavioŭ, što dumaje nakont mierkavańniaŭ, byccam jahonyja intervju zaraz mohuć pieraškodzić vyzvaleńniu inšych palitviaźniaŭ, a taksama raskazaŭ, što najbližejšym časam vyjdzie na volu tysiača palitźniavolenych.

«Ja nie chaču i nikoli nie budu padyhryvać dyktataru i KDB. Ja vykarystoŭvaju kožny dzień i kožnuju hadzinu, navat pracujučy ciapier pa 16 hadzinaŭ u dzień, — adkazaŭ jon. — Ciapier novyja mahčymaści. Čas pamianiaŭsia, situacyja pamianiałasia, plus tysiača zaraz vyjdzie. Usio budzie pa-inšamu».

Kamientary36

  • Žvir
    08.07.2025
    Hniły kadr.
  • Aleś
    08.07.2025
    Nie lublu łatientnoho moskvofiła Kravcova, no v etot raz vsie po faktu skazał, niečieho i dobaviť.
  • Vital
    08.07.2025
    Hety hazpramaŭski chłopčyk vam jašče i nie takoha nahavoryć

Ciapier čytajuć

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?4

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?

Usie naviny →
Usie naviny

Kamaroŭski rynak čakaje hłabalnaja rekanstrukcyja

Narodzie, nahadajem, što na «Našaj Nivie» možna kamientavać, łajkać i dyzłajkać kamienty. Voś jakija miechanizmy biaśpieki80

Pjany minčuk źbiŭ dźviuch dziaŭčat na kasie ŭ kramie5

Stała viadoma pra vyzvaleńnie palitźniavolenaj mastački-animatarki Volhi Rybinaj

U Minsku źjaviŭsia novy paprašajka. Voś na što jon prosić hrošy6

Prezident Hiermanii sustreŭsia ź Cichanoŭskimi i zaklikaŭ vyzvalić palitviaźniaŭ u Biełarusi5

«Haryzont» budzie vypuskać biełaruskija płanšety7

Žančynu z Aŭstralii, jakaja nakarmiła siamju stravaj z atrutnymi hrybami, pryznali vinavataj. Tady pamierli try čałavieki1

Błohierku z Mazyra Palinu Zyl asudzili na hod pazbaŭleńnia voli

bolš čytanych navin
bolš łajkanych navin

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?4

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?

Hałoŭnaje
Usie naviny →

Zaŭvaha:

 

 

 

 

Zakryć Paviedamić