U Pieru archieołahi adkryli staražytny horad Pienika, uzrost jakoha aceńvajecca prykładna ŭ 3500 hadoŭ — jon starejšy za znakamity Maču-Pikču. Horad, vierahodna, byŭ važnym handlovym centram, jaki złučaŭ roznyja kultury ŭźbiarežža Cichaha akijana, Andaŭ i trapičnych lasoŭ, piša Reuters.
Paśla vaśmi hadoŭ daśledavańniaŭ archieołahi znajšli ŭ Pienika da 18 budynkaŭ — siarod ich byli jak žyłyja pamiaškańni, tak i cyrymanijalnyja chramy. Na ścienach centralnaj płoščy vyjaŭlenyja bareljefy i vyjavy pututu — duchavoha instrumienta z rakavin, huk jakoha možna było čuć na vialikaj adlehłaści.
Unutry budynkaŭ znojdzieny hlinianyja statuetki ludziej i žyvioł, a taksama ŭpryhožańni i cyrymanijalnyja pradmiety, u tym liku z rakavin.
Pienika raźmieščana niedaloka ad miesca ŭźniknieńnia cyvilizacyi Karal — najstaražytniejšaj u Amierycy, jakaja isnavała kala 5000 hadoŭ tamu. Pavodle archieołahaŭ, horad moh źjavicca paśla zaniapadu cyvilizacyi Karal u vyniku klimatyčnych źmienaŭ.
Jak adznačyła kiraŭnica raskopak Rut Šejdzi, Pienika, vierahodna, praciahvała kulturnuju tradycyju karalskaj supolnaści i zajmała stratehičnaje stanovišča dla handlu i abmienu pamiž uźbiarežžam, harami i džunhlami.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary