У Перу археолагі адкрылі старажытны горад Пеніка, узрост якога ацэньваецца прыкладна ў 3500 гадоў — ён старэйшы за знакаміты Мачу-Пікчу. Горад, верагодна, быў важным гандлёвым цэнтрам, які злучаў розныя культуры ўзбярэжжа Ціхага акіяна, Андаў і трапічных лясоў, піша Reuters.
Пасля васьмі гадоў даследаванняў археолагі знайшлі ў Пеніка да 18 будынкаў — сярод іх былі як жылыя памяшканні, так і цырыманіяльныя храмы. На сценах цэнтральнай плошчы выяўленыя барэльефы і выявы путуту — духавога інструмента з ракавін, гук якога можна было чуць на вялікай адлегласці.
Унутры будынкаў знойдзены гліняныя статуэткі людзей і жывёл, а таксама ўпрыгожанні і цырыманіяльныя прадметы, у тым ліку з ракавін.
Пеніка размешчана недалёка ад месца ўзнікнення цывілізацыі Караль — найстаражытнейшай у Амерыцы, якая існавала каля 5000 гадоў таму. Паводле археолагаў, горад мог з’явіцца пасля заняпаду цывілізацыі Караль у выніку кліматычных зменаў.
Як адзначыла кіраўніца раскопак Рут Шэйдзі, Пеніка, верагодна, працягвала культурную традыцыю каральскай супольнасці і займала стратэгічнае становішча для гандлю і абмену паміж узбярэжжам, гарамі і джунглямі.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары