У Мазыры ў будынку царквы адкрыўся расійскі дыскаўнтар «Доброцен»
«Лепей бы школа дзіцячай творчасці там адкрылася, студыя спеваў, але ніяк не «Доброцен» у будынку былой царквы».
У Мазыры адкрылася новая крама расійскай сеткі дыскаўнтаў «Доброцен». Яна запрацавала ў будынку, дзе раней была Новаапостальская царква, заўважыў «Белсат».
Пра адкрыццё крамы ў будынку, які займала пратэстанцкая Новаапостальская царква, паведаміла ў TikTok жыхарка Мазыра.
У каментарах абураюцца з нагоды трансфармацыі царквы ў краму. Людзі пішуць, што гэты будынак больш пасуе для музычнай школы або канцэртнай залі, бо там выдатная акустыка:
«У нас у Мазыры адкрываюць толькі крамы, відаць, у нас жывуць самыя галодныя людзі, ну а культура ў нас глыбока зарытая».
«Лепей бы школа дзіцячай творчасці там адкрылася, студыя спеваў, але ніяк не «Доброцен» у будынку былой царквы».
«Мы хадзілі туды на канцэрт арганнай музыкі. Там шыкоўная акустыка».
Расійская гандлёвая сетка «Доброцен» прыйшла ў Беларусь у 2019 годзе з адкрыцця першай сваёй крамы ў Бабруйску. Цяпер у нашай краіне ўжо больш за 50 крамаў гэтай кампаніі.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары