U Loźnienskim rajonie Viciebščyny budujecca novaja kandytarskaja fabryka — PTUP «Kamunarka-Lozna», na jakoj źbirajucca vypuskać svojeasablivaje nou-chau dla biełaruskaj kandytarskaj haliny. Pra prajekt raskazaŭ kiraŭnik kancerna «Biełdziaržcharčpram» Aleh Žydkoŭ u intervju časopisu «Ekonomika Biełarusi», piša BiełTA.
Novaja fabryka, jak zajaŭlajecca, budzie vyrablać inavacyjnyja małočnyja cukierki — presavanyja łasunki na asnovie suchoha małaka, a taksama małočnyja sneki-pastyłki z roznymi smakavymi dadatkami i bieź ich.
Pavodle słoŭ Aleha Žydkova, letaś arhanizacyi kancerna inviestavali ŭ raźvićcio amal 321 miljon rubloŭ — heta značna bolš, čym płanavałasia. Prybytak pradpryjemstvaŭ staŭ hałoŭnaj krynicaj hetych srodkaŭ — kala 88%. Častka inviestycyj taksama pastupiła ź inviestycyjnaha fondu kancerna, što asabliva dapamahło nievialikim zavodam, naprykład, u kansiervavaj halinie.
Praciahvajecca inviestycyjnaja aktyŭnaść i sioleta. Naprykład, babrujskaje pradpryjemstva «Čyrvony charčavik» rychtujecca zapuścić novuju liniju dla vyrabu draže, jakaja dazvolić aŭtamatyzavać praces i dakładna dazavać inhredyjenty. Minski marharynavy zavod madernizuje svaje vytvorčyja mahutnaści, kab vyrablać jakasnyja tłuščy dla kandytarskaj vytvorčaści, jakija ciapier zakuplajuć za miažoj. Novaja linija budzie vypracoŭvać 50 ton u sutki.
Akramia taho, na pradpryjemstvie «Čyrvony mazyranin» adkryłasia novaja linija dla vytvorčaści irysu. Ciapier zavod zmoža vyrablać 440 ton irysu na hod pry adnoj źmienie — raniej było tolki 175 ton. Vypuskajucca cukierki ź siamiu roznymi smakami, a taksama kazinaki.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary